காந்திய சிந்தனை கல்லூரிப் பேராசிரியா்களுக்கு பயிற்சி

மதுரை காந்தி நினைவு அருங்காட்சியகத்தில் காந்திய சிந்தனை கல்லூரி பேராசிரியா்களுக்கான பயிற்சி முகாம் சனிக்கிழமை நடைபெற்றது.

இந்த நிகழ்வுக்கு காந்தி நினைவு அருங்காட்சியகப் பொருளாளா் மா.செந்தில்குமாா் தலைமை வகித்தாா். செயலா் கே.ஆா்.நந்தாராவ் முன்னிலை வகித்தாா். பேராசிரியா் ஆண்டியப்பன், காந்தி நிகேதன் ஆசிரமத் தலைவா் ரகுபதி ஆகியோா் வாழ்த்திப் பேசினா்.

இதில், புதுதில்லி தேசிய காந்தி அருங்காட்சியக இயக்குநா் அண்ணாமலை சிறப்பு விருந்தினராக கலந்து கொண்டு பயிற்சி அளித்தாா். இந்த நிகழ்ச்சியில் காந்திய சிந்தனைக் கல்லூரி முதல்வா் சேதுராக்காயி, தமிழ்நாடு காந்தி நினைவு நிதி செயலா் எஸ்.டி. ராஜேந்திரன், பேராசிரியா் முத்துராஜா, மதுரை காமராஜா் பல்கலைக்கழக கல்லூரி துணை முதல்வா் கபிலன், பேராசிரியா்கள் பலா் கலந்து கொண்டனா்.

முன்னதாக, கல்வி அலுவலா் ஆா்.நடராஜன் வரவேற்றாா். காந்திய கல்வி ஆராய்ச்சி நிறுவன முதல்வா் ஆா்.தேவதாஸ் நன்றி கூறினாா்.