ஒட்டன்சத்திரம் காய்கனி சந்தையில் சுரைக்காய் விலை வீழ்ச்சியடைந்து கிலோ ரூ.2.50-க்கு ஞாயிற்றுக்கிழமையன்று விற்பனையானது.

திண்டுக்கல் மாவட்டம் ஒட்டன்சத்திரம் காய்கனி சந்தைக்கு தினசரி முருங்கை,மாங்காய்,வெண்டைக்காய்,பீட்ரூட் உள்ளிட்ட காய்கனிகள் விற்பனைக்கு வருகிறது.

இந்த நிலையில் கடந்த சில நாட்களாக சுரைக்காய் வரத்து அதிகரித்தால் அவற்றின் விலைகள் குறைந்து வருகிறது.கடந்த வாரம் கிலோ ரூ.4.50-க்கு விற்ற சுரைக்காய் ஞாயிற்றுக்கிழமையன்று ரூ.2.50-க்கு விற்பனையானது.

மற்ற காய்கனிகளின் விலை நிலவரம்,கரும்பு முருங்கை கிலோ ரூ.40,செடி முருங்கை ரூ.22,மர முருங்கை ரூ.18,கல்லாமை மாங்காய் ரூ.52,செந்தூரம் ரூ.45,மூவாண்டம் ரூ.45,நாடு மற்றும் நீலம் ரூ.38,பீட்ருட் ரூ.11,டிஸ்கோ கத்திரிக்காய் ஒரு பை ரூ.300,வெண்டைக்காய் ரூ.12,பச்சை பயிறு ரூ.12,பீன்ஸ் ரூ.10,ரிங் பீன்ஸ் ரூ.2,பெல்லி பீன்ஸ் ரூ.30,முருங்கை பீன்ஸ் ரூ.25,புஷ் பீன்ஸ் ரூ.30,சவ்சவ் ரூ.2 முதல் 4,நாா்த்தை ரூ.30 விற்பனையானது.