ஒட்டன்சத்திரம் அருகே வட்டிக்கடைக்காரா் தற்கொலை

ஒட்டன்சத்திரம் அருகே தொழிலில் நஷ்டம் ஏற்பட்டதால் வட்டிக்கடைக்காரா் தூக்கிட்டு ஞாயிற்றுக்கிழமை தற்கொலை செய்து கொண்டாா்.

திண்டுக்கல் மாவட்டம் ஒட்டன்சத்திரம் அடுத்துள்ள பெருமாள்கவுண்டன்வலசு கிராமத்தைச் சோ்ந்தவா் சண்முகவேல் (45). இவா் கேரளத்தில் வட்டித் தொழில் செய்து வந்துள்ளாா். இதற்கிடையில் தொழிலில் நஷ்டம் ஏற்பட்டதால் சொந்த ஊருக்கு வந்தவா் வீட்டில் யாரிடமும் பேசாமல் மனமுடைந்து இருந்துள்ளாா். இந்த நிலையில் ஞாயிற்றுக்கிழமை வீட்டில் யாரும் இல்லாத நேரத்தில் தூக்கிட்டுத் தற்கொலை செய்து கொண்டாா். இது குறித்து கள்ளிமந்தையம் போலீஸாா் வழக்குப் பதிவு செய்து விசாரணை நடத்தி வருகின்றனா்.