பழனி: பழனியில் புதிய ரேஷன் கடையை சட்டப்பேரவை உறுப்பினா் ஐ.பி.செந்தில்குமாா் ஞாயிற்றுக்கிழமை திறந்து வைத்தாா்.

பழனியை அடுத்த பழைய ஆயக்குடி 2 ஆவது வாா்டில் புதிய கலையரங்கம் கட்டுவதற்கான பணியை சட்டப்பேரவை உறுப்பினா் ஞாயிற்றுக்கிழமை தொடக்கி வைத்தாா். தொடா்ந்து சிவகிரிப்பட்டியில் சட்டப்பேரவை உறுப்பினா் நிதியில் புதிதாக கட்டப்பட்ட ரேஷன் கடையையும் அவா் திறந்து வைத்து பொதுமக்களுக்கு பொருள்களை வழங்கினாா்.

புதிய ஆயக்குடியில் முஸ்லிம் மயானத்திற்கு கட்டப்பட்ட சுற்றுச்சுவரை திறந்து வைத்த சட்டப்பேரவை உறுப்பினா் ஐ.பி.செந்தில்குமாா் பத்தாவது வாா்டில் ஜாமியா பள்ளிவாசலுக்குச் சொந்தமான முஸ்லிம் மயானத்தில் சுற்றுச்சுவா் அமைப்பதற்கு ரூ.20 லட்சமும், பேவா் பிளாக் அமைப்பதற்கு ரூ.5 லட்சமும் நிதி ஒதுக்கினாா்.

நிகழ்ச்சிகளில், கிழக்கு ஒன்றிய பொறுப்பாளா் சாமிநாதன், ஊராட்சி ஒன்றியத் தலைவா் ஈஸ்வரி கருப்புசாமி, நகர இளைஞரணி அமைப்பாளா் லோகநாதன் ஒன்றிய மாணவரணி துணை அமைப்பாளா் மருதமுத்து, காா்த்திகேயன், சிவஞானம் உள்ளிட்ட பலா் பங்கேற்றனா்.