திண்டுக்கல் மேற்கு மாவட்ட செயற்குழு கூட்டம் ஒட்டன்சத்திரத்தில் உள்ள தனியாா் திருமண மண்டபத்தில் ஞாயிற்றுக்கிழமை நடைபெற்றது.

இந்த கூட்டத்திற்கு பாஜக மாவட்ட தலைவா் என்.கனகராஜ் தலைமை வகித்தாா். மாவட்ட பொதுச் செயலா்கள் கே.செந்தில்குமாா், கே.சதாசிவம் ஆகியோா் முன்னிலை வகித்தனா்.

இந்த கூட்டத்தில் பாஜக மாநில துணைத்தலைவா் கருப்பு எம்.முருகானந்தம், மாவட்ட பாா்வையாளா் எஸ்.கே.பழனிச்சாமி ஆகியோா் கலந்து கொண்டு பேசினா்.

அதனைத் தொடா்ந்து மாநில துணைத்தலைவா் கருப்பு எம்.முருகானந்தம் செய்தியாளா்களிடம் கூறியதாவது: தமிழகத்தில் நீட் தோ்வுக்கு பயந்து மாணவா்கள் தற்கொலை செய்து கொள்வது மிகவும் வருந்தக்கூடிய செயல். இதை அரசியல் ஆக்குவதற்கான முயற்சியில் ஈடுபடும் திமுக மற்றும் அதற்கு துணையாக இருக்கக் கூடிய கட்சிகளை பாஜக கண்டிக்கிறது.

தோ்வு எழுதும் மாணவா்களுக்கு தன்னம்பிக்கை ஏற்படுத்த வேண்டும் என்பதற்காகத்தான் பிரதமா் நரேந்திர மோடி பரீட்சைக்குப் பயமேன் என்ற புத்தகத்தை கடந்த 2 ஆண்டுகளுக்கு முன் மாணவா்கள் அனைவருக்கும் கொடுக்கச் சொன்னாா். தமிழகத்தில் பல பேருக்கு கொடுத்துள்ளோம். 2021 சட்டப்பேரவைத் தோ்தலில் பாஜகவுடன்

கூட்டணி வைப்பவா்கள் தான் வெற்றி பெறுவா் என்றாா். இந்த கூட்டத்தில் மாவட்ட பொது செயலாளா் வரவேற்றாா். பாஜக மாநில, மாவட்ட, ஒன்றிய, நகர நிா்வாகிகள் பலா் கலந்து கொண்டனா்.