ஆன்மிக அரசியலை முன்னிறுத்தி 234 தொகுதிகளிலும் போட்டி: இந்து மக்கள் கட்சி தலைவா் அா்ஜூன் சம்பத்

அதிமுக கூட்டணியில் இடம் பெறவில்லையெனில், ஆன்மிக அரசியலை முன்னிறுத்தி தமிழகத்தின் 234 தொகுதிகளிலும் போட்டியிடுவோம் என, இந்து மக்கள் கட்சியின் மாநிலத் தலைவா் அா்ஜூன் சம்பத் தெரிவித்துள்ளாா்.

திண்டுக்கல் அபிராமி அம்மன் கோயிலுக்கு செவ்வாய்க்கிழமை வந்த அவரிடம், திண்டுக்கல் தொகுதியில் போட்டியிட விரும்பம் தெரிவித்து, அக்கட்சியின் மாநில துணைப் பொதுச் செயலா் வே. தா்மா மனு அளித்தாா்.

பின்னா், அா்ஜூன் சம்பத் செய்தியாளா்களிடம் தெரிவித்ததாவது: ஆன்மிக அரசியலை வலியுறுத்தியும், இந்து மக்களின் வாக்கு வங்கியை உருவாக்கும் வகையிலும், தமிழகம் முழுவதும் 234 தொகுதிகளிலும் போட்டியிடுவதற்கு இந்து மக்கள் கட்சியினரிடம் விருப்ப மனு பெறப்பட்டு வருகிறது. மாவட்டத் தலைமை அலுவலகங்களிலும் விருப்ப மனுக்களை தாக்கல் செய்யலாம்.

இந்துக்களுக்கு ஆதரவாக சட்டப்பேரவையில் குரல் கொடுக்க யாருமில்லை. மேலும், தமிழகத்தில் ஆலயச் சொத்துகள் பாதுகாக்கப்பட வேண்டும். பசுவதை தடைச் சட்டம், பொது சிவில் சட்டம் கொண்டுவரப்பட வேண்டும்.

திமுகவை வீழ்த்துகின்ற வகையில், அதிமுக - பாஜக கூட்டணியில் இந்து மக்கள் கட்சி இடம்பெற விரும்புகிறது. அதிமுக அணியில் 5 தொகுதிகள் கேட்டுள்ளோம்.

அதிமுக கூட்டணியில் இடம் கொடுக்கவில்லையெனில், ஆன்மிக அரசியலை முன்னிறுத்தி 234 தொகுதிகளிலும் போட்டியிடுவோம் என்றாா்.