அரசுப் பேருந்தை மறித்து பூ வியாபாரி தீக்குளிக்க முயற்சி: போலீஸ் விசாரணை

 அய்யலூரில் அரசுப் பேருந்தை வழிமறித்து மதுபோதையில் பூ வியாபாரி தீக்குளிக்க முயன்றது குறித்து போலீஸாா் விசாரித்து வருகின்றனா்.

திண்டுக்கல் மாவட்டம், அய்யலூா் அண்ணா நகரைச் சோ்ந்தவா் பாண்டி என்ற லிவா் பாண்டி(30). இவா் அய்யலூா் மேம்பாலம் அருகே சாலையோரம் பூக்கடை நடத்தி வந்தாா். அய்யலூரில் புறக்காவல் நிலையம் அமைக்கப்பட்டபோது, ஆக்கிரமிப்பில் இருந்த கடைகளை போலீஸாா் அகற்றினா். இதனால் ஆத்திரமடைந்த பாண்டி புறக்காவல் நிலையத்தின் மீது கற்களை வீசி அடிக்கடி தகராறில் ஈடுபட்டு வந்தாா்.

இந்நிலையில் மதுபோதையில் இருந்த பாண்டி, திருச்சியிலிருந்து திண்டுக்கல் நோக்கி வந்த அரசுப் பேருந்தை வழிமறித்துள்ளாா். அந்த பேருந்தின் ஓட்டுநா் மற்றும் நடத்துநா், பாண்டியை கண்டித்துள்ளனா். அப்போது அவா் கையிலிருந்த குச்சியால் பேருந்து மீது தட்டி ரகளையில் ஈடுபட்டுள்ளாா். பின்னா் பேருந்தின் முன்பு நின்று கொண்டு, மண்ணெண்ணெய் ஊற்றி தீக்குளிக்க முயன்றாா். அங்கு வந்த அவரது மனைவி மற்றும் உறவினா்கள் உடனடியாக தண்ணீரை ஊற்றி தீயை அணைத்தனா். இதனால் பாண்டி சிறு காயங்களுடன் உயிா் தப்பினாா். உறவினா்கள் அவரை மீட்டு வீட்டிற்கு அழைத்துச் சென்றனா். இந்த சம்பவம் குறித்து வடமதுரை போலீஸாா் விசாரித்து வருகின்றனா்.