மதுரை, திருநெல்வேலி மாா்க்கத்திலான ரயில்களுக்கு புதிய கால அட்டவணை அறிவிக்கப்பட்டது.

இதுகுறித்து மதுரை கோட்ட ரயில்வே மேலாளா் அலுவலகத்திலிருந்து வெளியிடப்பட்ட செய்திக் குறிப்பு:

ஆண்டுதோறும் அக். 1-ஆம் தேதி முதல் ரயில் போக்குவரத்துக்கு புதிய கால அட்டவணை அமல்படுத்துவது வழக்கம். இதன்படி, மதுரை, திருநெல்வேலி மாா்க்க ரயில்களுக்கான புதிய கால அட்டவணை விவரம்:

மதுரை...

செங்கோட்டை - சென்னை எழும்பூா் பொதிகை விரைவு ரயில் (12662) மதுரையிலிருந்து இரவு 9.55 மணிக்கு புறப்படுவதற்குப் பதிலாக இரவு 9.45 மணிக்கு புறப்படும். மறு மாா்க்கத்தில் சென்னை எழும்பூா் - செங்கோட்டை பொதிகை விரைவு ரயில் (12661) மதுரையிலிருந்து அதிகாலை 4.45 மணிக்கு புறப்படுவதற்குப் பதிலாக அதிகாலை 4.30 மணிக்கு புறப்படும். மேலும், மதுரை - சென்னை எழும்பூா் வைகை விரைவு ரயில் (12636) மதுரையிலிருந்து காலை 7.10 மணிக்குப் பதிலாக காலை 6.40 மணிக்குப் புறப்படும்.

மறு மாா்க்கத்தில் சென்னை எழும்பூா் - மதுரை வைகை விரைவு ரயில் (12635) மதுரைக்கு இரவு 9.15 மணிக்குப் பதிலாக இரவு 9.30 மணிக்கு வந்து சேரும். மதுரை - கோவை விரைவு ரயில் (16722) மதுரையிலிருந்து காலை 7.25 மணிக்குப் பதிலாக காலை 7 மணிக்குப் புறப்படும். மதுரை - சென்னை எழும்பூா் பாண்டியன் விரைவு ரயில் (12638) மதுரையிலிருந்து இரவு 9.35 மணிக்குப் பதிலாக இரவு 9.20 மணிக்குப் புறப்படும். மதுரை - விழுப்புரம் விரைவு ரயில் (16868) மதுரையிலிருந்து அதிகாலை 4.05 மணிக்குப் பதிலாக அதிகாலை 3.35 மணிக்குப் புறப்படும்.

சென்னை - செங்கோட்டை பொதிகை விரைவு ரயில் மதுரை - செங்கோட்டை இடையே டீசல் எஞ்ஜின் மூலம் இயக்கப்பட்டு வந்தது. தற்போது இந்தப் பகுதியில் இந்த ரயிலுக்கு மின்சார எஞ்ஜின் பொருத்தப்பட்டது.

திருநெல்வேலி...

தாம்பரம் - நாகா்கோவில் விரைவு ரயில் (22657) திருநெல்வேலியிலிருந்து அதிகாலை 5.40 மணிக்குப் பதிலாக அதிகாலை 5.35 மணிக்குப் புறப்படும். பெங்களூரு - நாகா்கோவில் விரைவு ரயில் (17235) திருநெல்வேலியிலிருந்து காலை 6.05 மணிக்குப் பதிலாக காலை 5.55 மணிக்குப் புறப்படும். சென்னை - கொல்லம் அனந்தபுரி விரைவு ரயில் (20685) திருநெல்வேலியிலிருந்து காலை 6.50 மணிக்குப் பதிலாக காலை 6.30 மணிக்குப் புறப்படும்.

மும்பை - நாகா்கோவில் விரைவு ரயில் (16339) திருநெல்வேலியிலிருந்து காலை 8.25 மணிக்குப் பதிலாக காலை 8.20 மணிக்கு புறப்படும். எம்ஜிஆா் சென்னை சென்ட்ரல் - நாகா்கோவில் வாராந்திர விரைவு ரயில் (12689) திருநெல்வேலியிலிருந்து காலை 9.13 மணிக்குப் பதிலாக காலை 8.40 மணிக்கு புறப்படும். தாம்பரம் - நாகா்கோவில் அந்தியோதயா விரைவு ரயில் (20691) திருநெல்வேலியிலிருந்து காலை 11.30 மணிக்குப் பதிலாக காலை 11.20 மணிக்குப் புறப்படும். திருச்சி - திருவனந்தபுரம் இன்டா்சிட்டி விரைவு ரயில் (22627) திருநெல்வேலியில் இருந்து பிற்பகல் 12.30 மணிக்குப் பதிலாக பிற்பகல் 12.20 மணிக்குப் புறப்படும். கோவை - நாகா்கோவில் விரைவு ரயில் (16322) திருநெல்வேலியிலிருந்து மாலை 6.25 மணிக்குப் பதிலாக மாலை 6.05 மணிக்கு 20 நிமிடங்கள் முன்னதாக புறப்படும்.

கொல்லம் - சென்னை அனந்தபுரி விரைவு ரயில் (20636) திருநெல்வேலியிலிருந்து இரவு 8.05 மணிக்குப் பதிலாக இரவு 8.00 மணிக்குப் புறப்படும். திருநெல்வேலி - திருச்செந்தூா் சிறப்பு விரைவு ரயில் (06675) திருநெல்வேலியில் இருந்து காலை 10.40 மணிக்குப் பதிலாக காலை 10.10 மணிக்குப் புறப்படும்.