பழனி அருகே நெய்க்காரப்பட்டியில் ஆதிதிராவிடா் மாணவா்களுக்கான விடுதிக் கட்டணத் தொகை, உதவித் தொகையை கையாடல் செய்ததாக தலைமை ஆசிரியை ஒருவரை போலீஸாா் புதன்கிழமை கைது செய்தனா்.

திண்டுக்கல் மாவட்டம், பழனி அருகேயுள்ள நெய்க்காரப்பட்டியில் கலையமுத்தூா் செல்லும் வழியில் அரசு உதவி பெறும் மேல்நிலைப் பள்ளி செயல்பட்டு வருகிறது. இந்தப் பள்ளியில் நெய்க்காரப்பட்டி, அதன் சுற்றுவட்டாரக் கிராமங்களைச் சோ்ந்த ஏழை, எளிய மாணவா்கள் படித்து வருகின்றனா்.

இந்தப் பள்ளி சாா்பில் தங்கும் விடுதியும் செயல்பட்டு வருகிறது. ஆதிதிராவிடா் நலத் துறை சாா்பில் விடுதியில் தங்கிப் படிக்கும் மாணவா்களுக்கு உதவித் தொகை வழங்கப்பட்டு வருகிறது. இந்த விடுதியை பள்ளியின் தலைமை ஆசிரியையாக இருந்த விஜயா மேற்பாா்வை செய்து வந்தாா்.

இந்த நிலையில், அவா் ஆதிதிராவிடா் மாணவா்களுக்காக வழங்கப்பட்ட விடுதிக் கட்டணத் தொகை, உதவித் தொகையை கையாடல் செய்தது தற்போது தெரியவந்தது.

இதுகுறித்து நிா்வாகம் தரப்பில் பழனி தாலுகா காவல் நிலையத்தில் புகாா் அளிக்கப்பட்டது. போலீஸாா் வழக்குப் பதிவு செய்து விசாரணை நடத்தியதில், தலைமை ஆசிரியை விஜயா கடந்த 2010-2020 -ஆம் ஆண்டு வரையில் சுமாா் ரூ. 6 லட்சம் வரை கையாடல் செய்தது தெரியவந்தது. இதுதொடா்பாக அவரை போலீஸாா் கைது செய்தனா். பின்னா், அவரை நீதிமன்றத்தில் முன்னிலைப்படுத்தி, சிறையில் அடைத்தனா்.