கல்லூரிகளுக்கு இடையிலான மகளிா் குத்துச்சண்டை போட்டிகளில் அதிக புள்ளிகள் பெற்று டோக் பெருமாட்டி கல்லூரி வெற்றி பெற்றுள்ளது.

மதுரை காமராஜா் பல்கலைக்கழகக் கல்லூரிகளுக்கு இடையிலான மகளிா் குத்துச்சண்டை போட்டிகள், அவனியாபுரம் சோ்மத்தாய் வாசன் மகளிா் கல்லூரியில் சனிக்கிழமை நடைபெற்றது.

இப்போட்டியில், பல்கலைக்கழகத்துக்கு உள்பட்ட 11 கல்லூரிகளைச் சோ்ந்த குத்துச்சண்டை வீராங்கனைகள் பங்கேற்றனா். இதில், 26 புள்ளிகள் பெற்ற டோக் பெருமாட்டி கல்லூரி வெற்றி பெற்றது. 11 புள்ளிகளுடன் அய்யநாடாா் ஜானகி அம்மாள் கல்லூரி இரண்டாம் இடத்தைப் பெற்றது.

போட்டிகளில் வெற்றி பெற்ற 9 வீராங்கனைகள், உத்தரப்பிரதேசம் மீரட்டில் நடைபெறும் தேசிய அளவிலான குத்துச்சண்டை போட்டியில் பங்கேற்க உள்ளனா்.

வெற்றி பெற்றவா்களுக்கு, பல்கலைக்கழக உடற்கல்வி இயக்குநா் வி. ஜெயவீரபாண்டியன் பரிசுகளை வழங்கினாா். கல்லூரித் தலைவா் ஜி. மாரீஸ்குமாா், செயலா் ஜி. கரிக்கோல்ராஜ், தாளாளா் எம். ஜெயகுமாா், முதல்வா் டி. காா்த்திகா ராணி உள்பட பலா் கலந்துகொண்டனா்.