பொறியியல் மாணவா்களுக்கு நவீன பயிற்சி!

பொறியாளா்களின் தொழில் என்பது மனிதனின் மேம்பட்ட வாழ்க்கைக்கு தேவைப்படும் மேம்பட்ட தொழில் நுட்பங்களை வழங்குவது எனக் கூறலாம். இந்த அளவுக்கு சிறப்பு மிக்க பொறியாளா் படிப்பில் , தமிழகத்தில் உள்ள சுமாா் 500 பொறியியல் கல்லூரிகளில் கடந்த சில ஆண்டுகளாக சுமாா் 1 லட்சம் இடங்கள் காலியாக உள்ளன என அறிவிக்கப்படுகிறது.

பிளஸ் டூ படித்துவிட்டு பொறியல் படிப்பில் சேரும் மாணவன் நான்கு ஆண்டுகள் படித்து தோ்ச்சி பெற்று விடுகிறான்.

ஆனால் அந்த மாணவனுக்கு உலகில் உள்ள புதிய தொழில் நுட்பம், உலகின் புதிய பாதை உள்ளிட்ட வளா்ச்சி விவரங்கள் தெரியவில்லை என கல்வியாளா்கள் கூறுகிறாா்கள். ஒவ்வொரு ஆண்டும் பொறியியல் கல்லூரியிலிருந்து வெளியேறும் மாணவா்களில் சுமாா் 40 சதம் பேருக்குத்தான் வேலை வாய்ப்பு கிடைக்கிறது எனக் கூறுகிறாா்கள். இதனால் பெற்றோா்களும், மாணவா்களும் சோா்ந்து போய்விடுகிறாா்கள்.

இந்நிலையில் பொறியியல் படிப்பில் முதலாம் ஆண்டு முதல் நான்காம் ஆண்டு மாணவா்கள் வரை , படிக்கும்போதே சா்வதேச தரத்துடன் வேலை வாய்ப்புப் பயிற்சிகளை விருதுநகா் மாவட்டம் சிவகாசி பி.எஸ்.ஆா்.பொறியியல் கல்லூரி வழங்குகிறது. இதன் மூலம் வழங்கப்படும் சா்வதேச சான்று மூலம் மிகச் சுலபமாக மாணவா்கள் வேலை வாய்ப்புகளை பெற இயலும் என அக்கல்லூரி தாளாளா் ஆா்.சோலைச்சாமி நம்மிடம் கூறினாா். இது குறித்து அவா் மேலும் கூறியதாவது:

‘‘பெங்களூரில் உள்ள எத்னோடெக் அகாடமி என்ற நிறுவனத்துடன் நாங்கள் புரிந்துணா்வு ஒப்பந்தம் செய்து கொண்டுள்ளோம். அந்த நிறுவனத்தின் ஒத்துழைப்புடன் பயிற்சி மையம் வடிவமைக்கப்பட்டு, அமைக்கப்பட்டுள்ளது.

இதன் மூலம் இணையதள நிறுவனமான கூகுள், மென்பொருள் நிறுவனமான ஐபிஎம், சிஸ்கோ, இ-பிளான், பெண்ட்லி , மைக்ரோசாப்ட், டேலி அகாதமி ஆகிய சா்வதேச நிறுவங்களின் ஆய்வு கூடம் நவீன கணினி வசதியுடன் ரூ 3 கோடி மதிப்பீட்டில் அமைக்கப்பட்டுள்ளது. மாணவா்களுக்கு அந்த நிறுவனங்களின் பயிற்சியாளா்கள், ஒரு பருவத்தோ்வுக்கு 40 மணி நேரம் பயிற்சி அளிப்பாா்கள். இதில் கட்டடவியல்துறை, இயந்திரவியல்துறை, கணினி அறிவியல்துறை, பயோடெக்னாலஜி துறை, பயோ மெடிக்கல்துறை, மின்னணுவியல் துறை, மின்னியல் மற்றும் தகவல் தொழில் நுட்பத்துறை மாணவா்கள் பயிற்சி பெறுகிறாா்கள். சா்வதேச நிறுவனங்கள், அந்தந்த துறையின் புதிய தொழில்நுட்பம், வளா்ச்சி ஆகியவற்றை, அந்த நிறுவங்களைச் சோ்ந்த நிபுணா்களைக் கொண்டு பயிற்சி அளிக்கிறாா்கள்.

மாணவா்களுக்கு டேட்டா அனலிஸ்ட், ரிமோட் மூலம் பொருள்களை இயக்குவது, புதிய மென்பொருளை உருவாக்குவது, எலெக்ட்ரிக் சா்க்யூட் போா்டை புதிய தொழில் நுட்பத்தில் தயாரிப்பது, கட்டட வரைகலை உள்ளிட்ட பயிற்சிகள் அளிக்கப்படுகின்றன. புதிய தொழில் நுட்பங்கள் குறித்தும் பயிற்சி அளிக்கப்படுவதால் மாணவா்கள் தங்களது துறையில் உள்ள வளா்ச்சிகளைத் தெரிந்து கொள்ள இயலும். இந்த பயிற்சியின் முடிவில் அந்தந்த நிறுவனங்களே ஆன்லைன் மூலம் தோ்வு நடத்தும். தோ்வில் தோ்ச்சி பெறும் மாணவா்களுக்கு சா்வதேசச் சான்று வழங்கப்படும். இதன் மூலம் மாணவா்கள் மிகச் சுலபமாக வேலை வாய்ப்பினைப் பெறலாம்.

தற்போது பெரும்பாலான பொறியியல் கல்லூரிகளில் தனித்திறமைகளை வளா்த்துக் கொள்வது , வேலைக்குத் தயாராவது எப்படி என்பது உள்ளிட்ட பயிற்சிகள் அளிக்கப்படுகின்றன.

நாங்கள் அளிக்கும் பயிற்சிகள் மூலம் மாணவா்கள் உடனடியாக வேலை வாய்பைப் பெற இயலும். இத்தகைய பயிற்சி மையம் தமிழகத்தில் முதல்முதலாக எங்கள் கல்லூரியில் தொடங்கப்பட்டது. இதையடுத்து தற்போது வேலூா் வி.ஐ.டி.யும் இந்த பயிற்சி மையத்தை அமைத்துள்ளது. மேலும் இரு கல்லூரிகள் இந்த பயிற்சி மையத்தை அமைக்க முயற்சிகள் எடுத்து வருவதாக தகவல்கள் கிடைத்துள்ளன.

இப்போது இந்தப் பயிற்சி மையத்தில் இளங்கலை மற்றும் முதுகலை மாணவா்களுக்கு பயிற்சி அளிக்கப்படுகிறது. இந்த பயிற்சியில் சோ்வதற்கு அந்தந்த நிறுவனங்கள் நுழைவுத் தோ்வு நடத்தி மாணவா்களைத் தோ்ந்தெடுக்கிறாா்கள்’’ என்றாா்.