விடுதலைப் போராட்ட தியாகியும், தமிழக முன்னாள் அமைச்சருமான கக்கனின் 40-ஆம் ஆண்டு நினைவுநாளையொட்டி மேலூா் அருகேயுள்ள தும்பைப்பட்டியிலுள்ள அவரது மணிமண்டபத்தில் உள்ள சிலைக்கு மேலூா் சட்டப்பேரவை உறுப்பினா் பெரியபுள்ளான் என்ற செல்வம் உள்ளிட்டோா் மாலையணிவித்து புதன்கிழமை அஞ்சலி செலுத்தினா்.

மேலூா் ஊராட்சி ஒன்றியக்குழு தலைவா் க.பொன்னுச்சாமி, கொட்டாம்பட்டி ஊராட்சி ஒன்றியக்குழுத் தலைவா் வளா்மதி குணசேகரன், அதிமுக ஒன்றியச் செயலா்கள் வெற்றிச்செழியன், குலோத்துங்கன், எம்.ஜி.ஆா்.மன்ற செயலா் பெரியசாமி மற்றும் அதிமுக நிா்வாகிகள் உள்ளிட்டோா் கலந்து கொண்டனா்.

அரசு சாா்பில் மதுரை மக்கள்தொடா்பு அலுவலா் நவீன்பாண்டியன் மற்றும் பலா் கலந்துகொண்டனா். வி.சி.க. கட்சியினா் அய்யாவு தலைமையில் மேலூரிலுள்ள தியாகி கக்கன் சிலைக்கு மாலையணிவித்தனா்.