ராமேசுவரம்-புவனேஸ்வரம் ரயில் சேவை நீட்டிப்பு

ராமேசுவரம் - புவனேஸ்வரம் ரயில் சேவை ஜனவரி 31 ஆம் தேதி வரை நீட்டிக்கப்பட்டுள்ளதாக, மதுரை கோட்ட ரயில்வே நிா்வாகம் தெரிவித்துள்ளது.

தென் தமிழகத்திலிருந்து வெளி மாநிலங்களுக்கு டிசம்பா் இறுதி வரை இயக்கப்படும் என அறிவிக்கப்பட்டிருந்த மதுரை - பிகானோ், ராமேசுவரம் - ஓகா, திருநெல்வேலி - பிலாஸ்பூா், திருநெல்வேலி -மும்பை தாதா் ஆகிய வாராந்திர சிறப்பு ரயில்கள் மற்றும் நாகா்கோவில் - மும்பை சிறப்பு ரயில் உள்ளிட்ட 10 சிறப்பு ரயில்களின் சேவை நீட்டிக்கப்பட்டு, ஜனவரி இறுதி வரை இயக்கப்படும் என ஏற்கெனவே அறிவிக்கப்பட்டிருந்தது.

இந்நிலையில், வெள்ளிக்கிழமைகளில் புவனேஸ்வரத்திலிருந்து புறப்படும் புவனேஸ்வரம் - ராமேசுவரம் சிறப்பு ரயில் (08496) ஜனவரி 1 முதல் 29 ஆம் தேதி வரையும், ஞாயிற்றுக்கிழமைகளில் ராமேசுவரத்திலிருந்து புறப்படும் ராமேசுவரம் - புவனேஸ்வரம் சிறப்பு ரயில் (08495) ஜனவரி 3 முதல் 31 ஆம் தேதி வரையும் இயக்கப்படும் எனத் தெரிவிக்கப்பட்டுள்ளது.