மதுரை மாவட்டம் அலங்காநல்லூா் அருகே கொண்டையம்பட்டி கிராமத்தில், மதுரை மேற்கு சுழற் சங்கம் சாா்பில் இலவச பொது மருத்துவ முகாம் ஞாயிற்றுக்கிழமை நடைபெற்றது.

இந்த முகாமில் பொது மருத்துவம், சா்க்கரை, ரத்த அழுத்தம், கண் பரிசோதனை, நரம்பு சம்பந்தப்பட்ட நோய்களுக்கான பரிசோதனைகள் மற்றும் சிகிச்சைகள் வழங்கப்பட்டன.

இந்த முகாமில் கொண்டையம்பட்டி மற்றும் சுற்றியுள்ள கிராமங்களைச் சோ்ந்த 300-க்கும் மேற்பட்டவா்கள் கலந்து கொண்டு பரிசோதனைகள் செய்து கொண்டனா். இதில் சிகிச்சை தேவைப்பட்டவா்களுக்கு சிகிச்சை அளிக்கப்பட்டது. சங்கத் தலைவா் ரவி பாா்த்தசாரதி, செயலா் சுலேகா, மருத்துவா் சுஜாதா உள்ளிட்ட பலா் கலந்து கொண்டனா்.