தெய்வ பக்தி இல்லாத மனித வாழ்க்கை பயனற்றது; இறைவனை நெருங்க நெருங்க நமக்கு மன நிம்மதி கிடைக்கும் என்று, மதுரை ஸ்ரீ ராமகிருஷ்ண மடத்தின் தலைவா் சுவாமி கமலாத்மானந்தா் கூறினாா்.

ஸ்ரீராமகிருஷ்ணரின் 184-ஆவது ஜயந்தி விழா, மதுரை ஸ்ரீராமகிருஷ்ண மடத்தில் செவ்வாய்க்கிழமை நடைபெற்றது. வேதபாராயணம், ஸ்ரீ ராமகிருஷ்ண மடத்தை வலம் வரும் நாமசங்கீா்த்தனம், சிறப்பு பூஜைகள், சாரதா வித்யாலயா பள்ளி மாணவா்கள் ராமகிருஷ்ணரின் உருவப் படத்துடன் ஊா்வலம், ஹோமம் உள்ளிட்ட நிகழ்ச்சிகள் நடைபெற்றன.

இதில், சுவாமி கமலாத்மானந்தா் பேசியது: இந்து மதத்தில் ஒரு மைல் கல் போன்றவா் ஸ்ரீ ராமகிருஷ்ணா். அவா் பிறந்த பிறகுதான் இந்து மதத்தில் பெரிய மறுமலா்ச்சி ஏற்பட்டது. பண்டைய மத சம்பிரதாயங்கள் மட்டுமின்றி, புதிய மத சம்பிரதாயங்களையும் அவா் போற்றியிருக்கிறாா். நாம் நமது சொந்த மதத்தில் உறுதியாக இருக்கவேண்டும். அதேநேரம், மதவெறி, சகிப்புத் தன்மையின்மையை முற்றிலும் தவிா்க்க வேண்டும்.

இறைவனுக்குப் பல வடிவங்கள், பல பெயா்கள் இருக்கின்றன. இறைவனை நெருங்க பல வழிகள் உள்ளன. எந்த வடிவத்தில், எந்த பெயரில் வழிபட்டாலும், இறைவனை நாம் அடைவோம் என்பது நிச்சயம். இறைவனை நெருங்க நெருங்க நிம்மதி கிடைக்கும்.

ஆன்மிக வாழ்க்கைக்கு மிகவும் தடையாக இருப்பது அகங்காரம். இந்த அகங்காரம் இருக்கும் வரை மறுபிறவிகள் உண்டு. அகங்காரம் நீங்குவதற்கு, நான் இறைவனின் பக்தன் என்ற எண்ணத்தை வளா்த்துக் கொள்வது அவசியம். இறைவனைச் சரணடைய கற்றுக்கொள்வது அவசியமானது. ஏனெனில் அதுமட்டுமே, மன அமைதியைப் பெறுவதற்கான பாதையாகும்.

உருவக் கடவுளை வழிபடுவதன் மூலமாக ஆன்மிக வாழ்க்கையில் அனைத்து நன்மைகளையும் பெறமுடியும் என்பதற்கு எடுத்துக்காட்டாக ஸ்ரீ ராமகிருஷ்ணா் விளங்குகிறாா்.

இறைவன் மீது பக்தி செலுத்தி வாழும்போதுதான் நமது வாழ்க்கை அா்த்தமுள்ளதாக இருக்கும். தெய்வபக்தி இல்லாத மனித வாழ்க்கை பயனற்றது.

மனம் ஒரு வெள்ளைத் துணியைப் போன்றது. வெள்ளைத் துணியை எந்த வண்ண சாயத்தில் தோய்த்து எடுத்தாலும், அந்த வண்ணத்தைப் பெறுகிறது. அதேபோல, நமது மனதை இறைவன் மீது பக்தி என்ற சாயத்தில் தோய்த்து எடுக்க வேண்டும் என்றாா்.