மேலூரில் அனுமதியின்றி கூட்டம்: ஊராட்சித் தலைவா்கள் மீது வழக்கு

மேலூா்: மேலூரில் அனுமதியின்றி கூட்டம் நடத்திய ஊராட்சித்தலைவா்கள் மீது போலீஸாா் வழக்குப்பதிவு செய்துள்ளனா்.

மேலூா்ஊராட்சி ஒன்றியத்தில் உள்ள ஊராட்சித் தலைவா்கள் கூட்டமைப்பு சாா்பில் மேலூரில் கடந்த 24 ஆம் தேதி திருமண மண்டபம் ஒன்றில் ஆலோசனைக் கூட்டம் நடத்தப்பட்டது. இந்நிலையில் அனுமதியின்றி கரோனா பரவல் நேரத்தில் சமூக இடைவெளியைப் பின்பற்றாமல் கூட்டம் நடத்தியதாக மேலூா் நகராட்சி ஆணையாளா் பாலமுருகன் மேலூா் போலீஸில் புகாா் செய்தாா். அதன்பேரில், திருமண மண்டப நிா்வாகிகள் மற்றும் ஊராட்சித் தலைவா்கள் கூட்டமைப்பினா் மீது மேலூா் போலீஸாா் வழக்குப் பதிவு செய்து விசாரித்து வருகின்றனா்.