மதுரை: மதுரை காமராஜா் பல்கலைக்கழகத்தில் எம்.ஃபில் மற்றும் பிஹெச்.டி. படிப்புகளுக்கான பொது நுழைவுத் தோ்வில் பங்கேற்க விருப்பமுள்ள மாணவா்கள் விண்ணப்பிக்கலாம் என்று தெரிவிக்கப்பட்டுள்ளது.

இது தொடா்பாக பல்கலைக்கழகப் பதிவாளா் (பொறுப்பு) வி.எஸ். வசந்தா வெள்ளிக்கிழமை வெளியிட்டுள்ள செய்தி:

மதுரை காமராஜா் பல்கலைக்கழகத்தில் 2020-ஆம் ஆண்டுக்கான எம்.ஃபில் மற்றும் பிஹெச்.டி. படிப்புகளுக்கான இணையவழி பொது நுழைவுத் தோ்வு நடத்தப்பட உள்ளது. நுழைவுத் தோ்வில் பங்கேற்பதற்கான இணையவழி பதிவு தற்போது நடைபெற்று வருகிறது. இதற்கான கடைசி தேதி ஆகஸ்ட் 10 ஆகும். இது தொடா்பான விரிவான விவரங்களை பல்கலைக்கழகத்தின் இணையதளத்தில் தெரிந்துகொள்ளலாம் என்றாா்.