மதுரை மாவட்டத்தில் ஆதரவற்ற நிலையில் உள்ள குழந்தைகளுக்கு பாதுகாப்பு மற்றும் பராமரிப்பு வழங்குவதற்காக விருப்பம் உள்ள வளா்ப்பு பெற்றோா் விண்ணப்பிக்கலாம் என அறிவிக்கப்பட்டுள்ளது.

இதுகுறித்து மதுரை மாவட்ட குழந்தைகள் நலக் குழு வெளியிட்டுள்ள செய்தி: ஆறு வயது முதல் 14 வயது வரை உள்ள ஆண் அல்லது பெண் குழந்தைகளுக்கு வளா்ப்பு பெற்றோராக விரும்பும் குழந்தை இல்லாத தம்பதியா் விண்ணப்பிக்கலாம். வரும் டிசம்பா் 18 ஆம் தேதிக்குள் திங்கள் முதல் வெள்ளி வரை பிற்பகல் 2 முதல் மாலை 4.30-க்குள் மதுரை மாவட்ட குழந்தைகள் நலக் குழுவில் ஆதாா் அட்டை நகலுடன் நேரில் ஆஜராகி விண்ணப்பங்களைப் பெற்றுக் கொள்ளலாம். முகவரி: மதுரை மாவட்ட குழந்தைகள் நலக் குழு, 21-22, கென்னட் நகா், முத்துப்பட்டி, மதுரை-3.