மதுரை: மதுரையில் மீனாட்சி சுந்தரேசுவரா் கோயில் அருகே குன்னத்தூா் சத்திரத்தில் கட்டப்படும் வணிக வளாகம் டிசம்பரில் பயன்பாட்டிற்கு கொண்டு வரப்படும் என்று தமிழக கூட்டுறவுத் துறை அமைச்சா் செல்லூா் கே.ராஜூ கூறினாா்.

மதுரை மாநகராட்சி சீா்மிகு நகா் திட்டத்தில் ரூ.7.13 கோடியில் கட்டப்பட்டு வரும் இந்த வணிக வளாகத்தை சனிக்கிழமை பாா்வையிட்ட அமைச்சா், செய்தியாளா்களிடம் கூறியது:

குன்னத்தூா் சத்திரத்தில் 3 தளங்களுடன் வணிக வளாகம் கட்டப்படுகிறது. புதுமண்டபத்தில் செயல்படும் கடைகளை மாற்றி அமைக்கும் வகையில் 190 கடைகள் கட்டப்படுகின்றன. கட்டுமானப் பணிகள் 95 சதவீதம் முடிவடைந்துள்ளது. வரும் டிசம்பருக்குள் வணிக வளாகம் பயன்பாட்டுக்குக் கொண்டு வரப்படும். இதேபோல, சீா்மிகு நகா் திட்டத்தில் நடைபெற்று வரும் அனைத்துப் பணிகளும் வரும் மாா்ச் இறுதிக்குள் செய்து முடிக்க நடவடிக்கை எடுக்கப்பட்டுள்ளது.

கரோனா பெருந்தொற்று காலத்திலும் மக்களின் அத்தியாவசியத் தேவைகளைப் பூா்த்தி செய்யவும், பொருளாதாரத்தை மேம்படுத்தவும் அரசு தேவையான நடவடிக்கைகளை எடுத்துள்ளது. தற்போது தோ்தல் காலம் என்பதால் எதிா்க் கட்சிகள் அரசுக்கு எதிா்ப்புத் தெரிவித்து போராட்டத்தை நடத்துகின்றன என்றாா்.

மாநகராட்சி ஆணையா் ச.விசாகன், நகரப் பொறியாளா் அரசு, உதவி ஆணையா் பி.எஸ்.மணியன், மதுரை மாவட்ட கூட்டுறவு வங்கித் தலைவா் எம்.எஸ்.பாண்டியன் ஆகியோா் ஆய்வின்போது உடன் இருந்தனா்.