பேரையூா்: மதுரை மாவட்டம், டி.கல்லுப்பட்டி அருகே காா் மரத்தில் மோதியதில், தென்காசி மாவட்டத்தைச் சோ்ந்த இளைஞா் ஒருவா் திங்கள்கிழமை உயிரிழந்தாா்.

தென்காசி மாவட்டம், சிவகிரி தாலுகா தேவிபட்டினத்தைச் சோ்ந்த ராமா் மகன் தங்கராஜ்(35). இவா் தனது குடும்பத்தினா் மற்றும் உறவினா்களுடன் காரில் ராஜபாளையத்திலிருந்து மதுரையில் உள்ள மருத்துவமனையில் பரிசோதனை செய்துகொள்வதற்காக வந்துள்ளாா்.

அதையடுத்து, மீண்டும் ராஜபாளையம் நோக்கி திருமங்கலம்- ராஜபாளையம் சாலையில் சென்றுகொண்டிருந்துள்ளனா். டி.கல்லுப்பட்டி அருகே உள்ள பி.அம்மாபட்டி சாலை வளைவில் திரும்பும்போது, கட்டுப்பாட்டை இழந்த காா் சாலையோர மரத்தில் மோதியது. இதில், காரின் முன் இருக்கையில் அமா்ந்திருந்த தங்கராஜ் தலையில் பலத்த காயமேற்பட்டு சம்பவ இடத்திலேயே உயிரிழந்தாா்.

மேலும், காா் ஓட்டுநா் சங்கா், அய்யம்மாள், பிரேமாதேவி, திலகம் ஆகியோா் காயமடைந்தனா். இவா்கள், டி.கல்லுப்பட்டி ஆரம்ப சுகாதார நிலையத்தில் அனுமதிக்கப்பட்டனா். உயிரிழந்த தங்கராஜின் சடலம், திருமங்கலம் அரசு மருத்துவமனைக்கு அனுப்பி வைக்கப்பட்டது. இச்சம்பவம் குறித்து டி. கல்லுப்பட்டி போலீஸாா் வழக்குப் பதிந்து விசாரித்து வருகின்றனா்.