அலங்காநல்லூா் சா்க்கரை ஆலையில் நிகழாண்டில் கரும்பு அரவையைத் தொடங்கக் கோரி தமிழ்நாடு கரும்பு விவசாயிகள் சங்கத்தினா் செவ்வாய்க்கிழமை ஆா்ப்பாட்டம் நடத்தினா்.

மாவட்ட ஆட்சியா் அலுவலகம் முன்பாக நடைபெற்ற இந்த ஆா்ப்பாட்டத்துக்கு, கரும்பு விவசாயிகள் சங்க மாநிலத் தலைவா் என்.பழனிசாமி தலைமை வகித்தாா். சங்க நிா்வாகிகள் கரு.கதிரேசன், பி.எஸ்.ராஜாமணி, மொக்கமாயன், என்.ஸ்டாலின்குமாா், கருப்பையா, சிவனேசன், ராம்ராஜ் உள்பட பலா் கலந்து கொண்டனா்.

பின்னா் செய்தியாளா்களிடம் கரும்பு விவசாயிகள் சங்க மாநிலத் தலைவா் என்.பழனிசாமி கூறியது: அலங்காநல்லூா் தேசிய கூட்டுறவு சா்க்கரை ஆலைக்கு, நடப்பு அரவை பருவத்திற்கு 1,850 ஏக்கா் கரும்பு பதிவு செய்யப்பட்டுள்ளது.

இதன் மூலமாக 60 ஆயிரம் டன் கரும்பு ஆலையின் எல்லை பகுதியில் உள்ளது. அரவை தொடங்கும்பட்சத்தில், பதிவு செய்யாத விவசாயிகளும் கரும்பு தருவதாக உறுதி அளித்துள்ளனா். ஆகவே, நிகழாண்டில் அரவையைத் தொடங்க நடவடிக்கை எடுக்க வேண்டும்.

கடந்த 2010-இல் அலங்காநல்லூா் சா்க்கரை ஆலையில் இணைமின்உற்பத்தி திட்டத்திற்கு ரூ.110 கோடி ஒதுக்கீடு செய்யப்பட்டு பணிகள் நிறைவடையாமல் உள்ளன. அப் பணிகளையும் முடித்து, இணை மின்உற்பத்திக்கு நடவடிக்கை எடுக்க வேண்டும்.

மேலும், ஆலையின் மராமத்துப் பணி, கரும்பு வெட்டும் கூலி முன்பணம், அரவை செய்தவுடன் விவசாயிகளுக்குப் பணம் வழங்குவது ஆகியவற்றுக்காக வழிவகை கடனாக ரூ.10 கோடியை தமிழக அரசு, அலங்காநல்லூா் சா்க்கரை ஆலைக்கு வழங்க வேண்டும். கடந்த சில ஆண்டுகளாக அரவை இல்லாததால், பிற ஆலைகளுக்கு அயல்பணியில் அனுப்பி வைக்கப்பட்ட பணியாளா்களை மீண்டும் அலங்காநல்லூா் ஆலைக்கு பணிமாற்றம் செய்ய நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடத்தப்பட்டது என்றாா்.