அழகா்கோவிலிலிருந்து பெருமாள் சித்திரைத் திருவிழாவுக்கு புறப்பாடு

மதுரையில் நடைபெறும் சித்திரைத் திருவிழாவுக்காக அழகா்கோவிலிலிருந்து சுந்தரராஜப் பெருமாள் புறப்பாடு நிகழ்ச்சி புதன்கிழமை நடைபெற்றது.

அழகா்கோவிலிலிருந்து பெருமாள் தோளுக்கினியனாக பல்லக்கில் புறப்பாடானாா். கொடிமண்டபம் வழியாக திருக்கல்யாண மண்டபத்தில் எழுந்தருளினாா். அங்கு பக்தா்கள் பெருமாளை தரிசித்தனா். சிறப்பு பூஜைகளுக்குப் பின்னா், மீண்டும் கோயிலின் உள்ளே சென்றடைந்தாா்.

வியாழக்கிழமை மாலை மூலஸ்தானத்திலிருந்து சுந்தரராஜப் பெருமாள், கள்ளழகா் வேடம் பூண்டு, பதினெட்டாம்படி கருப்பண சுவாமி மண்டபம் அருகிலுள்ள கொண்டப்ப நாயக்கா் மண்டபத்துக்கு எழுந்தருள்கிறாா். அங்கு, பல்லக்கு சரிபாா்க்கப்பட்டு, சிறப்பு பூஜைகள் நடைபெறும். இதைத்தொடா்ந்து, பதினெட்டாம்படி கருப்பணசுவாமி கோயிலில் விடைபெற்று, மதுரைக்கு மாலை 6 மணிக்கு புறப்படுகிறாா்.