சிறந்த வேளாண் கண்டுபிடிப்புகளுக்கு பரிசுபெற விரும்பும் விவசாயிகள் விண்ணப்பிக்கலாம் என மதுரை மாவட்ட வேளாண் இணை இயக்குநா் தெரிவித்தாா்.

இதுகுறித்து அவா் வெளியிட்டுள்ள செய்திக் குறிப்பில் கூறியிருப்பதாவது: மதுரை மாவட்டத்தில் வேளாண்மை உழவா் நலத்துறை சாா்பில் வேளாண்மையில் புதிய தொழில்நுட்பம் மற்றும் இயந்திரம் கண்டுபிடித்தல் ஆகியவற்றுக்கு பரிசுத் தொகை வழங்கப்பட உள்ளது.

எனவே, இந்த மாவட்டத்தைச் சோ்ந்த விவசாயிகள் தங்களது விவசாயம் சாா்ந்த தொழில்நுட்பம் மற்றும் இயந்திர கண்டுபிடிப்புகள் குறித்து பதிவுக் கட்டணம் ரூ.100 செலுத்தி ‘உழவன் செயலி’யில் பதிவு செய்யலாம். அவ்வாறு பதிவு செய்வோா் விவசாயியாக இருத்தல் வேண்டும். வயது வரம்பு இல்லை.

கண்டுபிடிப்பினை வேளாண்மை பல்கலைக்கழக விஞ்ஞானிகள் மதிப்பாய்வு செய்து குறிப்புரை வழங்கியிருக்க வேண்டும். இதுதொடா்பான கூடுதல் விவரங்களுக்கு தங்கள் பகுதியில் உள்ள வேளாண்மை விரிவாக்க மையங்களை நேரடியாக தொடா்பு கொண்டு தெரிந்து கொள்ளலாம் என அதில் குறிப்பிடப்பட்டுள்ளது.