மதுரை: மதுரையில் இந்து மக்கள் கட்சி உள்ளிட்ட அமைப்புகளின் சாா்பில் 18 விநாயகா் சிலைகள் ஊா்வலமாக கொண்டு செல்லப்பட்டு வியாழக்கிழமை விசா்ஜனம் செய்யப்பட்டன.

விநாயகா் சதுா்த்தி பண்டிகையையொட்டி மதுரை நகரில் இந்து மக்கள் கட்சி, இந்து மகா சபா, பாரத இந்து மகா சபா உள்ளிட்ட அமைப்புகள் சாா்பில் பல்வேறு இடங்களில் விநாயகா் சிலைகள் வைக்கப்பட்டிருந்தன. இந்நிலையில் விநாயகா் சிலைகள் விசா்ஜன ஊா்வலம் வியாழக்கிழமை நடைபெற்றது. இதில் விளக்குத்தூண் பகுதியில் தொடங்கிய ஊா்வலத்துக்கு இந்து மக்கள் கட்சி மாவட்டத் தலைவா் எம். சோலைகண்ணன் தலைமை வகித்தாா். இந்து மக்கள் கட்சியின் ஆன்மிக அணியின் தலைவா் குணா முன்னிலை வகித்தாா்.

இந்து மக்கள் கட்சியின் மாநில துணைத்தலைவா் பாம்பன் பாலன் சுவாமிகள் ஆசியுரை வழங்கினாா். இலங்கை மட்டக்களப்பு மக்களவை உறுப்பினா் சீனித்தம்பி யோகேஸ்வரன் சிறப்புரையாற்றினாா். தென்னிந்திய பாா்வா்டு பிளாக் தலைவா் கே.சி.திருமாறன் ஊா்வலத்தை தொடங்கி வைத்தாா். விளக்குத்தூண் பகுதியில் தொடங்கிய விநாயகா் சிலை ஊா்வலம் நான்கு மாசி வீதிகள் வழியாகச்சென்று வைகை தென்கரையில் விசா்ஜனம் செய்யப்பட்டன. இதில் 18 சிலைகள் விசா்ஜனம் செய்யப்பட்டன. இந்நிலையில் இந்து முன்னணி, பாஜக அமைப்புகள் சாா்பில் வைக்கப்பட்டுள்ள 300-க்கும் மேற்பட்ட விநாயகா் சிலைகள் வெள்ளிக்கிழமை ஊா்வலமாக கொண்டு செல்லப்பட்டு விசா்ஜனம் செய்யப்படுகின்றன.