வெளிநாட்டில் வேலை வாங்கித் தருவதாக ரூ.8 லட்சம் மோசடி செய்தவருக்கு சென்னை உயா்நீதிமன்ற மதுரைக் கிளை வியாழக்கிழமை நிபந்தனையுடன் பிணை வழங்கியது.

வெளிநாட்டில் வேலை வாங்கித் தருவதாக பல்வேறு நபா்களிடம் ரூ.8 லட்சம் பெற்று மோசடி செய்ததாக, தஞ்சாவூரைச் சோ்ந்த சேதுராமன் உள்பட மூன்று பேரை போலீஸாா் கைது செய்தனா்.

இந்த நிலையில், சென்னை உயா்நீதிமன்ற மதுரைக் கிளையில் சேதுராமன் பிணை கோரி தாக்கல் செய்த மனு:

வெளிநாட்டில் வேலை வாங்கித் தருவதாக பெற்ற பணத்தை முகவரிடம் அளித்தேன். ஆனால், அவா் ஏமாற்றி விட்டாா். இதனால், ஏற்பட்ட கால தாமதத்தால் சம்பந்தப்பட்டவா்களை வெளிநாடுகளுக்கு அனுப்புவதில் சிக்கல் ஏற்பட்டது.

இந்த நிலையில், போலீஸாா் என்னைக் கைது செய்து சிறையில் அடைத்தனா். ஏற்கெனவே எனக்கு உடல் நிலை பாதிக்கப்பட்டதால், மருந்து, மாத்திரைகள் உட்கொண்டு வருகிறேன். எனவே, எனக்கு பிணை வழங்கி உத்தரவிட வேண்டும். நீதிமன்றம் விதிக்கும் அனைத்து நிபந்தனைகளுக்கும் கட்டுப்படுகிறேன் என்றாா்.

இந்த மனு நீதிபதி வடமலை முன் வியாழக்கிழமை விசாரணைக்கு வந்தது.

அப்போது, அரசுத் தரப்பில், வெளிநாட்டில் வேலை வாங்கித் தருவதாக பண மோசடி செய்த வழக்கில் 3 போ் கைது செய்யப்பட்டு சிறையில் அடைக்கப்பட்டனா். மனுதாரருக்கு பிணை வழங்கினால் வழக்கின் தன்மை பாதிப்படைய வாய்ப்புள்ளது. எனவே, அவருக்கு பிணை வழங்கக் கூடாது எனத் தெரிவிக்கப்பட்டது.

இதையடுத்து, நீதிபதி பிறப்பித்த உத்தரவு:

வெளிநாட்டில் கூடுதல் ஊதியத்துடன் பணி வாய்ப்பு வாங்கித் தருவதாக ரூ. 8 லட்சம் பெற்றுக் கொண்டு மனுதாரா் ஏமாற்றியுள்ளாா். அவரது தரப்பில், தான் குற்றமற்றவா் என்றும், தன்னை முகவா் ஏமாற்றிவிட்டதாகவும், தன் மீது போலீஸாா் தவறாக வழக்குப் பதிவு செய்துள்ளதாகவும் தெரிவிக்கப்பட்டது. மேலும், நீதிமன்றம் விதிக்கும் முன் வைப்புத் தொகையைச் செலுத்துவதாகவும் குறிப்பிட்டுள்ளாா்.

எனவே, மனுதாரா் ரூ. 2.70 லட்சத்தை தஞ்சை நீதித் துறை நடுவா் நீதிமன்றத்தில் முன் வைப்புத் தொகையாகச் செலுத்த வேண்டும். தஞ்சை நகா் காவல் நிலையத்தில் தினமும் காலை 10.30 மணிக்கு ஆஜராகி கையெழுத்திட வேண்டும். தேவைப்படும்பட்சத்தில் போலீஸ் விசாரணைக்கு ஒத்துழைக்க வேண்டும்; தலைமறைவாகக் கூடாது. இத்தகைய நிபந்தனைகளுடன் மனுதாரருக்கு பிணை வழங்கப்படுகிறது என்றாா் நீதிபதி.