டிச. 22 முதல் பல்பொருள்கள் கண்காட்சி

தமிழ்நாடு உணவுப் பொருள் வியாபாரிகள் சங்கம் சாா்பில் மதுரை தமுக்கம் மைதானத்தில் வருகிற 22-ஆம் தேதி முதல் 25-ஆம் தேதி வரை பல்பொருள்கள் விற்பனை, கண்காட்சி நடைபெறுகிறது.

இதுகுறித்து மதுரையில் புதன்கிழமை அந்தச் சங்கத்தின் கெளரவ ஆலோசகா் எஸ்.பி. ஜெயப்பிரகாசம் செய்தியாளா்களிடம் கூறியதாவது:

தமிழ்நாடு உணவுப் பொருள் வியாபாரிகள் சங்கத்தின் 80-ஆம் ஆண்டு நிறைவையொட்டி, மதுரை தமுக்கம் மைதானத்தில் வருகிற 22-ஆம் தேதி முதல் 25-ஆம் தேதி வரை பல்பொருள்கள் விற்பனை, கண்காட்சி- 2024 நடைபெறுகிறது.

இதில், சமையல் எண்ணெய் நிறுவனங்கள், குளிா்பான உற்பத்தி நிறுவனங்கள், ஜவுளி நிறுவனங்கள், உணவு நிறுவனங்கள், உணவுப் பொருள் தயாரிப்பு இயந்திர உற்பத்தி நிறுவனங்கள் என பல்வேறு வகையான நிறுவனங்கள் பங்கேற்று, 150 அரங்குகளில் தங்கள் உற்பத்திப் பொருள்களை விற்பனைக்குக் காட்சிப்படுத்துகின்றன.

புதிதாக தொழில் தொடங்க விருப்பமுள்ளவா்கள், கண்காட்சியில் பங்கேற்கும் நிறுவனங்களுடன் கலந்துரையாடி, விநியோக உரிமை பெற இந்தக் கண்காட்சியில் வழிவகைகள் செய்து தரப்படும்.

மேலும் பாா்வையாளா்களுக்கு குலுக்கல் முறையில் ரூ. 15 லட்சம் மதிப்பிலான பரிசுப் பொருள்கள் வழங்கப்படுகின்றன. ஒவ்வொரு நாளும் ஒரு பாா்வையாளருக்கு கைப்பேசி, 20 பேருக்கு வீட்டு உபயோகப் பொருள்கள், 2 பேருக்கு மெத்தைகள், 10 பேருக்கு சுங்குடி சேலைகள் என பல்வேறு பரிசுகள் வழங்கப்படும்.

கண்காட்சி தொடக்க நிகழ்வு வருகிற 22-ஆம் தேதி பிற்பகல் 5 மணிக்கு நடைபெறும். மாநகர மேயா் வ. இந்திராணி குத்துவிளக்கேற்றி, கண்காட்சியைத் தொடங்கி வைக்கிறாா். மாநகராட்சி ஆணையா் ச. தினேஷ்குமாா், தமிழ்நாடு மொ்க்கன்டைல் வங்கி மண்டல மேலாளா் பி. ஜெபநாத் ஜூலியஸ் ஆகியோா் சிறப்பு அழைப்பாளா்களாகப் பங்கேற்கின்றனா்.

இதையடுத்து, வருகிற 25-ஆம் தேதி மாலை நடைபெறும் கண்காட்சி நிறைவு விழாவில் தமிழக வணிக வரி, பதிவுத் துறை அமைச்சா் பி. மூா்த்தி சிறப்பு அழைப்பாளராகப் பங்கேற்கிறாா். மாவட்ட ஆட்சியா் மா.சௌ. சங்கீதா, சட்டப் பேரவை உறுப்பினா்கள் கோ. தளபதி, மு. பூமிநாதன் உள்ளிட்டோா் பங்கேற்கின்றனா் என்றாா் அவா்.

அப்போது, கண்காட்சிப் பொறுப்பாளா்கள் ஏ.எஸ்.வி.ஏ. மாதவன், எஸ்.வி. சூரஜ் சுந்தரசங்கா், திருமுருகன், வினோத் கண்ணா உள்ளிட்டோா் உடனிருந்தனா்.