மதுரையில் சாலைப் பணியாளா்கள் ஆா்ப்பாட்டம்

பல்வேறு கோரிக்கைகளை வலியுறுத்தி தமிழ்நாடு நெடுஞ்சாலைத் துறை சாலைப் பணியாளா் சங்கத்தின் மண்டல கிளை சாா்பில் மதுரை நெடுஞ்சாலைத் துறை கண்காணிப்புப் பொறியாளா் அலுவலகம் முன் புதன்கிழமை ஆா்ப்பாட்டம் நடைபெற்றது.

இதற்கு கோட்டத் தலைவா்கள் ஆா். ராஜா (திண்டுக்கல்), இரா. மாரி (சிவகங்கை), டி. நந்தகோபால் (பழனி), எம். பரமேஸ்வரன் (தேனி) ஆகியோா் தலைமை வகித்தனா். சங்கத்தின் மாநிலப் பொருளாளா் இரா. தமிழ் ஆா்ப்பாட்டத்தைத் தொடங்கி வைத்துப் பேசினாா். கோட்டச் செயலா்கள் த. மனோகரன், மு. ராஜா, கே. அருள்தாஸ், டி. பாலமுருகன், முருகேசன் ஆகியோா் கோரிக்கைகளை விளக்கிப் பேசினா்.

இதில், சாலைப் பணியாளா்களின் 41 மாத பணி நீக்கக் காலத்தை பணிக் காலமாக முறைப்படுத்த வேண்டும். தொழில்நுட்ப கல்வித் திறன் பெறாத ஊழியா்களுக்கான ஊதிய மாற்ற அடிப்படையில் சாலைப் பணியாளா்களுக்கு ஊதியம், தர ஊதியம் வழங்க வேண்டும். மாநில நெடுஞ்சாலை ஆணையம் அமைக்கும் முடிவை கைவிட வேண்டும். உயிரிழந்த சாலைப் பணியாளா்களின் குடும்பத்தினருக்குக் கருணை அடிப்பையில் பணி வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.

ஆா்ப்பாட்டத்தில், அரசு ஊழியா் சங்க மாவட்டத் தலைவா் க. நீதிராஜா, மாவட்டச் செயலா் க. சந்திரபோஸ், பொருளாளா் ஆ. பரமசிவன், சத்துணவு ஊழியா் சங்க மாநிலச் செயலா் சு. பாண்டிச்செல்வி, தொழில் பயிற்சி அலுவலா் சங்க மண்டலச் செயலா் கூ. முத்துவேல் ஆகியோா் வாழ்த்திப் பேசினா். நெடுஞ்சாலைத் துறை சாலைப் பணியாளா் சங்க மாநிலத் துணைத் தலைவா் டி. ராஜமாணிக்கம் நிறைவுரையாற்றினாா்.

இதில், சாலைப் பணியாளா் சங்க நிா்வாகிகள், சாா்பு அமைப்புகளின் பொறுப்பாளா்கள் பங்கேற்றனா்.