நீதிமன்ற விடியோ காட்சிகளை சமூக வலைதளத்தில் பதிவிட்டவா்கள் மீது நடவடிக்கை எடுக்க சென்னை உயா்நீதிமன்ற மதுரை அமா்வு செவ்வாய்க்கிழமை உத்தரவிட்டது.

தமிழ்நாடு அரசுப் பணியாளா் தோ்வாணையச் செயலா் உயா்நீதிமன்ற மதுரை அமா்வில் தாக்கல் செய்த மனு:

அரசுப் பணித் தோ்வில் முன்னாள் ராணுவத்தினருக்கான இடஒதுக்கீடு தொடா்பாக பலா் சென்னை உயா்நீதிமன்றம், உயா்நீதிமன்ற மதுரை அமா்வில் வழக்குகள் தொடுத்தனா். இந்த வழக்குகளில் நீதிபதிகள் மாறுபட்ட உத்தரவுகளைப் பிறப்பித்தனா்.

இந்த உத்தரவுகளுக்கு எதிராக தமிழ்நாடு அரசுப் பணியாளா் தோ்வாணையம் சாா்பில் மேல்முறையீட்டு மனு தாக்கல் செய்யப்பட்டது.

இந்த மேல்முறையீட்டு மனு உயா்நீதிமன்ற நீதிபதிகள் ஆா். சுப்பிரமணியன், எல். விக்டோரியா கௌரி அமா்வு முன் செவ்வாய்க்கிழமை விசாரணைக்கு வந்தது.

அப்போது, தமிழ்நாடு அரசுப் பணியாளா் தோ்வாணையம் சாா்பில் மூத்த வழக்குரைஞா் எஸ். பிரபாகரன் முன்னிலையாகி முன்வைத்த வாதம்:

இந்த வழக்கு விசாரணையிலிருந்து நீதிபதி விலக வேண்டும் என மூத்த வழக்குரைஞா் பி. வில்சன் கூறவில்லை. அவா் நீதிமன்றத்தின் மேல் உரிய மரியாதை வைத்துள்ளாா் என்றாா்.

இதைப் பதிவு செய்து கொண்ட நீதிபதிகள் பிறப்பித்த உத்தரவு:

இந்த வழக்கில் ஏற்கெனவே தமிழ்நாடு அரசுப் பணியாளா் தோ்வாணையம் சாா்பில் அளிக்கப்பட்ட அறிக்கையின்படி, விசாரணை செய்யப்பட்டு வருகிறது. அப்போது, நீதிமன்றத்தில் நடைபெற்ற வாதம் தொடா்பான விடியோ காட்சிகள் சமூக வலைதளத்தில் பரவின. இதுகுறித்து இணையக் குற்றத் தடுப்புப் பிரிவு போலீஸாா் விசாரித்து வருகின்றனா்.

விரைவில் சம்பந்தப்பட்ட நபா்களை போலீஸாா் கண்டறிந்து நடவடிக்கை எடுக்க வேண்டும். இந்த விடியோ காட்சிகள் உடனடியாக சமூக வலைதளத்திலிருந்து நீக்கப்பட வேண்டும். மூத்த வழக்குரைஞா் பி. வில்சன் குறித்து நீதிமன்றத்தில் கூறப்பட்ட கருத்துகளை நீக்க வேண்டும் என்றனா் நீதிபதிகள்.