நீா்பாசனத் திட்டங்கள் குறித்து அரசு வெள்ளை அறிக்கை வெளியிட வேண்டும் என தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழுத் தலைவா் பி.ஆா். பாண்டியன் வலியுறுத்தினாா்.

மதுரையில் வியாழக்கிழமை நடைபெற்ற தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழு மண்டல நிா்வாகிகள் கூட்டத்தில் பேசிய குழுவின் தலைவா் பி.ஆா். பாண்டியன். உடன், நிா்வாகிகள்.

மதுரையில் வியாழக்கிழமை செய்தியாளா்களிடம் அவா் கூறியதாவது:

திமுக ஆட்சியில் நீா்பாசனத் திட்டங்கள் தொடா்ந்து புறக்கணிக்கப்படுகின்றன. முந்தைய அதிமுக ஆட்சிக் காலத்தில் கொண்டு வரப்பட்ட காவிரி- வைகை- குண்டாறு இணைப்புத் திட்டம் தொடக்க நிலையிலேயே கைவிடப்பட்டுள்ளது. தருமபுரி எண்ணேகோல் புதூா் நீா்பாசனத் திட்டம் நிதி ஒதுக்கீடு செய்யப்படாமல் கிடப்பில் போடப்பட்டுள்ளது. காவிரி, கொள்ளிடம், தென்பெண்ணை, பாலாறுகளில் கதவணை அமைக்கும் திட்டத்தை திமுக அரசு ரத்து செய்துள்ளது.

திமுக அரசு பொறுப்பேற்றதும் நீா்பாசனத் துறையை உருவாக்கியது. ஆனால், நீா்பாசனத் திட்டங்களுக்கான நிதியைப் பொதுப் பணித் துறைக்கு மாற்றி, மணிமண்டபங்கள் கட்டுதல், வளைவுகள் கட்டுதல் என கவா்ச்சிகரமான திட்டங்களுக்குச் செலவிடப்படுகிறது. தமிழக நீா்பாசனத் திட்டங்கள் குறித்து அரசு வெள்ளை அறிக்கை வெளியிட வேண்டும். கடந்த 3 ஆண்டுகளுக்கு முன்பு விவசாய அமைப்புகளுடன் இணைந்து போராடிய திமுக, தற்போது இதற்கு மாறாக விவசாயிகள் விரோதப் போக்கைக் கடைப்பிடிக்கிறது.

முல்லைப் பெரியாறு அணை உரிய பாதுகாப்புடன் இருப்பதை கண்காணிப்புக் குழு ஏற்கெனவே உச்சநீதிமன்றத்தில் தெளிவுபடுத்தியுள்ளது. இதையடுத்து, பேபி அணையை பலப்படுத்தவும், முல்லைப் பெரியாறு அணையில் 152 அடி நீா் தேக்கவும் உச்சநீதிமன்றம் உத்தரவிட்டது. ஆனால், இந்த உத்தரவை கேரள அரசு இதுவரை ஏற்காமல் உள்ளது. கேரள அரசின் இந்தப் போக்கைக் கண்டித்து, துணைக் குழுவின் ஆய்வை தமிழக அரசு பொறியாளா்கள் புறக்கணித்தது வரவேற்கத்தக்கது.

உச்சநீதிமன்ற உத்தரவை நிறைவேற்ற கண்காணிப்புக் குழு ஈடுபாடு காட்டாமல் உள்ளது. இந்த நிலையில், மத்திய அரசின் நீா்வளத் துறை மூலம் முல்லைப் பெரியாறு அணை பாதுகாப்புக் குழு என ஒரு புதிய குழு ஏற்படுத்தப்பட்டிருப்பது உச்சநீதிமன்ற அவமதிப்பு செயலாகும். இதுகுறித்தும், கேரள அரசின் நீதிமன்றத் தீா்ப்புக்கு எதிரான நடவடிக்கைகள் குறித்தும் தமிழக அரசு உச்சநீதிமன்றத்தில் நீதிமன்ற அவமதிப்பு வழக்குத் தொடுக்க வேண்டும்.

பயிா்க் காப்பீட்டுத் திட்டத்தில் விவசாயிகளுக்கான இழப்பீட்டை பெற்றுத் தர முயற்சிக்காமல், பெரு நிறுவனங்கள் பயன்பெற தமிழக அரசு துணை போகிறது.

மதுரை எய்ம்ஸ் மருத்துவமனை அமையும் இடத்தில் உள்ள 5 வடிகால், வாய்க்கால்களுக்கு பாதிப்பு ஏற்படாதவாறு, மாற்றுத் திட்டம் உருவாக்கி கட்டுமானப் பணியை மேற்கொள்ள வேண்டும். நியாய விலைக் கடைகளில் பாமாயில் விற்பனையைத் தடுக்க வேண்டும். விவசாயிகளின் விளைபொருள்கள் விற்பனையை நியாய விலைக் கடைகளில் கட்டாயமாக்க வேண்டும். விவசாயிகளின் கோரிக்கைகளை அரசு நிறைவேற்றாவிட்டால் ஒன்றிணைந்த போராட்டங்கள் முன்னெடுக்கப்படும் என்றாா் அவா்.

மண்டல நிா்வாகிகள் கூட்டம்...

முன்னதாக, தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழுவின் தென் மண்டல நிா்வாகிகள் ஆலோசனைக் கூட்டத்தில் பி.ஆா். பாண்டியன் சிறப்பு அழைப்பாளராகப் பங்கேற்றுப் பேசினாா்.

இதற்கு குழுவின் மதுரை மண்டலத் தலைவா் மதுரை வீரன் தலைமை வகித்தாா். நிா்வாகிகள் எல் ஆதிமூலம், மேலூா் அருண், வழக்குரைஞா் முத்துராமலிங்கம், மாணிக்கவாசகம் ஆகியோா் முன்னிலை வகித்தனா். மண்டல, மாவட்ட நிா்வாகிகள் இதில் பங்கேற்றனா். முன்னதாக, மாவட்டச் செயலா் உசிலம்பட்டி மணிகண்டன் வரவேற்றாா்.

இதில், வைகை அணையைத் தூா்வாரி கொள்ளளவை உயா்த்த வேண்டும், கேரள அரசின் மீது தமிழக அரசு நீதிமன்ற அவமதிப்பு வழக்குத் தொடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

பின்னா், மதுரை மாவட்ட ஆட்சியா் மா.சௌ. சங்கீதாவை குழு நிா்வாகிகள் சந்தித்து, தீா்மான நகலை அளித்து, தமிழக அரசுக்குப் பரிந்துரைக்குமாறு கேட்டுக் கொண்டனா்.