கமுதி அருகே கார் கவிழ்ந்து அதிமுக வட்டச் செயலர் சாவு

கமுதி அருகே திங்கள்கிழமை கார் கவிழ்ந்ததில் அதிமுக வட்டச் செயலர் உயிரிழந்தார். அவரது உறவினர்கள் 5 பேர் காயமடைந்தனர்.
மதுரையில் கோ.புதூர் பகுதியில் வசிப்பவர் முனியசாமி (58). மதுரை 45- ஆவது வட்ட அதிமுக செயலாளரான இவரும் உறவினர்கள் 5 பேரும் மதுரையிலிருந்து சொந்த ஊரான ராமநாதபுரம் மாவட்டம் கமுதி அருகேயுள்ள கரிசல்புளி கிராமத்துக்கு சாமி கும்பிட சென்றுள்ளனர்.
சாமி கும்பிட்டுவிட்டு திங்கள்கிழமை காலை மதுரைக்கு திரும்பி சென்று கொண்டிருந்தனர். காரை முனியசாமியின் மைத்துனர் கண்ணன் ஓட்டியுள்ளார்.
கமுதி பாம்புல்நாயக்கன்பட்டி அருகே சென்றபோது கார் நிலை தடுமாறி சாலையோரத்தில் கவிழ்ந்து விபத்து ஏற்பட்டது.
இதில், காரில் இருந்த முனியசாமி, கண்ணன், அவரது மனைவி ஆதிலட்சுமி, மகள் முகில்தர்ஷனா, மகன் முகில் தர்ஷன், மருமகன் சபரி ஆகிய 6 பேரும் காயமுற்றனர்.
பலத்த காயமடைந்த கண்ணன் கமுதி அரசு மருத்துவமனைக்கு கொண்டு செல்லப்பட்டார். அங்கு அவர் சிகிச்சை பலனின்றி உயிரிழந்தார்.
மற்ற 5 பேரும் மதுரை தனியார் மருத்துவமனையில் சிகிச்சைக்காக அனுமதிக்கபட்டுள்ளனர். இச்சம்பவம் குறித்து கமுதி போலீசார் வழக்குப்பதிந்து விசாரிக்கின்றனர்.