ராமேசுவரம் ராமகிருஷ்ணபுரம் மீனவ கிராமத்தில் உள்ள சுவாமி விவேகானந்தகுடிலில் நவராத்திரி விழாவின் நிறைவு நாளான விஜயதசமியை முன்னிட்டு ஆன்மீக கலை நிகழ்ச்சி மற்றும் நலத்திட்ட உதவிகள் வழங்கும் விழா செவ்வாய்கிழமை நடைபெற்றது.

ராமநாதபுரம் மாவட்டம் ராமேசுவரம் ராமகிருஷ்ணபுரம் மீனவ கிராமத்தில் உள்ள சுவாமி விவேகானந்தா குடியிலில் நவராத்திரி திருவிழா கடந்த வாரம் தொடங்கி அதன் நிறைவு விழாவான விஜயதசமி செவ்வாய்கிழமை கிழமை ஆன்மீக கலை நிகழ்ச்சி மற்றும் நலத்திட்ட உதவிகள் வழங்கும் விழா நடைபெற்றது. இதில் ராமகிருஷ்ணபுரம் குடில் சுவாமி பிரனவனந்தா தலைமை வகித்தாா்.

சிறப்பு விருந்தினராக வட்டாச்சியா் அப்துல்ஜப்பாா் கலந்துகொண்டு விஜயதசமி தினத்தில் நடைபெற்ற ஆன்மீக நிகழ்ச்சியில் பங்கு பெற்ற குழந்தைகளுக்கு நினைவு பரிசு வழங்கினா். கோயில் காவல்நிலைய ஆய்வாளா் திலகராணி வரதராஜன் 150 க்கும் மேற்பட்ட மீனவ பெண்களுக்கு நலத்திட்ட உதவிகளை வழங்கினா்.

இந்நிகழ்ச்சியில், ஜோதிட போராசியா் ரவிக்குமாா், சமூக ஆா்வலா் தில்லைபாக்கியம், வழக்கறிஞா் ஜோதிமுருகன், நகா் மன்ற முன்னாள் உறுப்பினா் குமரேசன், ராமகிருஷ்ணபுரம் கிராமதலைவா் நம்பு உள்ளிட்டவா்கள் கலந்துகொண்டனா். ராம்கோ வேடராஜன் நன்றி கூறினாா். .