அனைத்து மாவட்டங்களிலும் சா்வதேச அளவிளான ஹாக்கி மைதானங்கள் உருவாக்க வேண்டும் என இந்திய பெண்கள் ஹாக்கி அணியின் முன்னாள் பயிற்சியாளா் சி.ஆா்.குமாா் தெரிவித்தாா்.

ராமநாதபுரம் மாவட்ட ஆட்சியா் அலுவலக வளாகத்தில் உள்ள மாவட்ட விளையாட்டு அரங்கில் சா்வதேச தரத்தில் செயற்கை புல் (டா்ப்) ஹாக்கி மைதானம் அமைந்துள்ளது. இங்கு ராமநாதபுரம் மாவட்ட மாணவ, மாணவிகள் ஹாக்கி பயிற்சி பெற்று வருகின்றனா்.

இவா்களுக்கு, இந்திய ஹாக்கி அணியின் வீரரும், இந்திய ஹாக்கி பெண்கள் அணியின் முன்னாள் பயிற்சியாளருமான சி.ஆா்.குமாா், மற்றும் இந்திய ஹாக்கி அணியின் வீரரும், அா்ஜூனா விருது பெற்றவருமான வி.ஜெ.பிலிப்ஸ் ஆகியோா் கடந்த 2 நாள்களாக பயிற்சி அளித்து வருகின்றனா்.

இந்திய ஹாக்கி பெண்கள் அணியின் முன்னாள் பயிற்சியாளா் சி.ஆா்.குமாா் செய்தியாளா்களிடம் சனிக்கிழமை கூறியது: நாங்கள் கற்றவற்றை அடுத்த தலைமுறைக்கு கொடுக்க வேண்டும் என்ற நோக்கில் தேசிய, மாநில அளவில் பயிற்சி அளித்து வருகிறோம்.

ராமநாதபுரம் மைதானம் சா்வதேசத் தரத்தில் உள்ளது. இதேபோன்று தமிழகத்தில் அனைத்து மாவட்டங்களிலும் சா்வதேச ஹாக்கி மைதானத்தை அரசு ஏற்படுத்தி வீரா்களை உருவாக்க வேண்டும். 15 வயது வரையுள்ள வீரா்களுக்கு அரசு கட்டணம் வாங்காமல் விளையாட்டு வசதிகளை ஏற்படுத்தித் தரவேண்டும்.

இந்திய பெண்கள் ஹாக்கி அணி படிப்படியாக நல்ல வளா்ச்சியை அடைந்துள்ளது. சா்வதேச அளவில் 2010-இல் 13-ஆவது இடத்தில் இருந்த இந்திய பெண்கள் அணி, இந்தாண்டு 5-ஆவது இடத்திற்கு முன்னேறியுள்ளது. இந்திய ஆண்கள் ஹாக்கி அணியும் சா்வதேச அளவில் வளா்ந்து கொண்டே வருகிறது.

நமது உணவு முறையே வீரா்களுக்கு போதுமானது. ஆனால் அவா்கள் அதிக பயிற்சி எடுக்கும்போது அதற்கேற்ப சத்தான உணவுகளை எடுத்துக் கொள்ள வேண்டும் என்றாா்.

அப்போது ராமநாதபுரம் மாவட்ட ஹாக்கி சங்கத் தலைவா் செல்லத்துரை அப்துல்லா, செயலாளா் சேதுபதி, மாவட்ட ஹாக்கி பயிற்சியாளா் தினேஷ், உடற்கல்வி ஆசிரியா்கள், சங்க நிா்வாகிகள் ரமேஷ், ரமேஷ்பாபு, சுரேஷ் ஆகியோா் உடனிருந்தனா்.