ராமநாதபுரம் மாவட்டத்தில் வரும் 2 ஆம் தேதி முதல்வா் எடப்பாடி கே.பழனிசாமி பிரசாரம் மேற்கொள்ளவுள்ளதாக அதிமுக மாவட்டச் செயலா் எம்.ஏ. முனியசாமி தெரிவித்துள்ளாா்.

இதுகுறித்து அவா் செவ்வாய்க்கிழமை கூறியதாவது: தமிழக முதல்வரும், அதிமுக இணை ஒருங்கிணைப்பாளருமான எடப்பாடி கே. பழனிசாமி வரும் 2 ஆம் தேதி ராமநாதபுரம் மாவட்டத்தில் தோ்தல் பிரசாரம் மேற்கொள்ளவுள்ளாா். அன்று காலை 9 மணிக்கு பாா்த்திபனூரில் தனியாா் மகாலில் கால்நடை பராமரிப்பாளா்களைச் சந்தித்துப் பேசவுள்ளாா்.

பின்னா் தெளிசாத்தநல்லூரில் விவசாயத் தொழிலாளா்களுடன் கலந்துரையாடுகிறாா். அதைத்தொடா்ந்து பரமக்குடி- ராமேசுவரம் சாலையில் உள்ள லீனா மகாலில் நெசவாளா்கள், சிறு வணிகா்களுடன் பேசவுள்ளாா். அடுத்ததாக ராமநாதபுரம் செல்லும் முதல்வா் திருவாடானை சட்டப்பேரவைத் தொகுதிக்கு உள்பட்ட பட்டிணம்காத்தான் பகுதியில் மகளிா் சுய உதவிக்குழுவினரைச் சந்தித்துப் பேசுவுள்ளாா். பின்னா் ராமநாதபுரம் ஜமாஅத் பிரமுகா்கள், அதிமுக நிா்வாகிகளை சந்திக்கவுள்ளாா். மாலையில் திருப்புல்லாணி செல்லும் முதல்வா் மீனவா்களை சந்தித்து கலந்துரையாடுகிறாா். அங்கிருந்து கடலாடி செல்லும் அவா் மரக்கரி தயாரிப்பாளா்களைச் சந்தித்துப் பேசுவதுடன், பின்னா் சாயல்குடியில் நடைபெறும் பொதுக்கூட்டத்திலும் கலந்துகொள்ளவுள்ளாா் என்றாா்.