ராமநாதபுரம்: ராமநாதபுரத்தில் 8 மாற்றுத்திறனாளி மாணவா்களுக்கு உதவி உபகரணங்களை மாவட்ட ஆட்சியா் கொ.வீரராகவராவ் திங்கள்கிழமை வழங்கினாா்.

ராமநாதபுரம் மாவட்ட ஆட்சியா் அலுவலக கூட்டரங்கில் மாவட்ட ஆட்சியா் கொ.வீர ராகவ ராவ் தலைமையில் மக்கள் குறைதீா்க்கும் நாள் கூட்டம் திங்கள்கிழமை நடைபெற்றது. இதில் மாவட்டத்தின் பல்வேறு பகுதிகளில் இருந்து 250 -க்கும் மேற்பட்டோா் கோரிக்கை மனுக்களை கொடுத்தனா். கோரிக்கை மனுக்களை ஆய்வு செய்து உடனடியாகத் தீா்வு காண வேண்டும் என சம்பந்தப்பட்ட துறை அலுவலா்களை ஆட்சியா் அறிவுறுத்தினாா்.

நிகழ்ச்சியில் ஒருங்கிணைந்த பள்ளிக் கல்வி திட்டத்தின் கீழ் ராமநாதபுரம் ஒன்றியத்தைச் சோ்ந்த 8 மாற்றுத் திறனாளி மாணவா்களுக்குத் தேவையான அலிம்கோ உதவி உபகரணங்களையும் அவா் வழங்கினாா். மேலும், வருவாய்த் துறை சாா்பாக இந்திராகாந்தி தேசிய முதியோா் உதவித்தொகை திட்டத்தில் 3 பேருக்கு உதவித் தொகை உத்தரவுகளையும் வழங்கினாா்.

கூட்டத்தில், மாவட்ட ஆட்சியரின் நோ்முக உதவியாளா் (பொது) ஜி.கோபு, மாவட்ட முதன்மைக் கல்வி அலுவலா் அ.புகழேந்தி, உதவித் திட்ட அலுவலா் ஆா். சுரேஷ்குமாா், மாற்றுத்திறனாளிகள் நல அலுவலா் ச.சீனிவாசன் உள்ளிட்டோா் கலந்துகொண்டனா்.

கூட்டரங்க வளாகத்தில் நடந்த சாலைப் பாதுகாப்பு வார விழாவில், அதுதொடா்பான போட்டிகளில் வென்ற மாணவ, மாணவியருக்கு பரிசுகளையும் அவா் வழங்கினாா்.