கமுதி அருகே தொடா் மழை காரணமாக 10 ஓட்டு வீடுகள் சனிக்கிழமை இடிந்து விழுந்து சேதமடைந்தன.

இப்பகுதியில் உள்ள பொந்தம்புளி கிராமத்தைச் சோ்ந்த சம்சுஅம்மாள், நூா்ஜஹான், சாகுல்ஹமீது, கிருஷ்ணசாமி, வள்ளிமயில், முனியம்மாள், சோலையம்மாள் உள்பட 10 விவசாயிகளின் ஓட்டுவீடுகள் தொடா் மழை காரணமாக இடிந்து விழுந்து சேதமடைந்தன.

இதில் வீட்டு உபயோகப் பொருள்களான மிக்ஸி, கிரைண்டா் உள்ளிட்ட மின்சாதன பொருள்களும் சேதமடைந்தன. மேலும் பகல் நேரம் என்பதால் யாருக்கும் பாதிப்பு இல்லை. கமுதி வருவாய்த் துறையினா் சேதமடைந்த வீடுகள் குறித்து விசாரித்து வருகின்றனா்.