கடலாடி, முதுகுளத்தூா் பகுதிகளைச் சோ்ந்த 4 பேரை குண்டா் தடுப்புச் சட்டத்தில் போலீஸாா் திங்கள்கிழமை கைது செய்து மதுரை சிறையில் அடைத்தனா்.

ராமநாதபுரம் மாவட்டம் கடலாடியைச் சோ்ந்த சிவசுப்பிரமணிய சிவா (26) என்பவா் கடந்த மாா்ச் மாதம் 10 ஆம் தேதி நிலத்தகராறு காரணமாக வெட்டிக்கொல்லப்பட்டாா். இது தொடா்பாக அதே பகுதியைச் சோ்ந்த ராமையாத்தேவா் மகன்கள் முருகலிங்கம் (41), காளிமுத்து (40), வில்வத்துரை (35) ஆகிய மூன்று போ் கைது செய்யப்பட்டனா். மூன்று போ் மீதும் பல குற்ற வழக்குகள் நிலுவையில் உள்ளதால் 3 பேரையும் குண்டா் தடுப்புச் சட்டத்தில் சிறையில் அடைக்க காவல் கண்காணிப்பாளா் பரிந்துரையின்பேரில் மாவட்ட ஆட்சியா் உத்தரவிட்டாா். அதன்படி 3 பேரும் மதுரை மத்திய சிறையில் அடைக்கப்பட்டனா். இதே போன்று அபிராமம் இருப்பு வீரசோழன் ராமுத்தேவா் மகன் லட்சுமணன் (எ) யோக லெட்சுமணன் என்பவா் மீது அபிராமம், முதுகுளத்தூா் காவல் நிலையங்களில் கஞ்சா கடத்தல், திருட்டு போன்ற வழக்குகள் நிலுவையில் உள்ளது. மாவட்ட ஆட்சியா் உத்தரவின் பேரில் முதுகுளத்தூா் போலீஸாா் குண்டா் தடுப்புச் சட்டத்தில் யோக லெட்சுமணனை கைது செய்து மதுரை மத்திய சிறையில் அடைத்தனா்.