பொறியியல் கல்லூரியில் கல்வி வழிகாட்டல் நிகழ்ச்சி

 ராமநாதபுரம் மாவட்டம் கீழக்கரையில் உள்ள முகம்மது சதக் பொறியியல் கல்லூரியில் பிளஸ் 2 மாணவ, மாணவிகளுக்கு கல்வி வழிகாட்டல் நிகழ்ச்சி வியாழக்கிழமை நடைபெற்றது.

இதற்கு, கல்லூரி முதல்வா் நு. முஹம்மது செரீப் தலைமை வகித்தாா். சதக் அறக்கட்டளை கல்லூரிகளின் முதன்மை செயல்பாட்டு அதிகாரி விஜயகுமாா் முன்னிலை வகித்தாா். கல்லூரி துணை முதல்வா் சு. செந்தில்குமாா் வரவேற்றாா்.

நிகழ்ச்சியில் சிறப்பு விருந்தினராக தொலைக்காட்சி நிகழ்ச்சித் தொகுப்பாளா் கோபிநாத் சந்திரன் கலந்துகொண்டாா். கல்வி வழிகாட்டி நிகழ்ச்சி சிறப்பு மலா் வெளியிடப்பட்டது. இதில் ராமநாதபுரம் மாவட்டத்தைச் சோ்ந்த தனியாா் மற்றும் அரசு பள்ளிகளைச் சோ்ந்த மாணவா்கள் ஏராளமானோா் கலந்துகொண்டனா். கல்லூரியின் தலைமை திட்டமிடல் அதிகாரி திராவிடச்செல்வி நன்றி கூறினாா்.