நிலம், இரட்டிப்பு பணம் தருவதாக ரூ.4.57 கோடி மோசடி:அரசியல் கட்சி பிரமுகா் உள்ளிட்ட 13 போ் மீது வழக்குப்பதிவு

ராமநாதபுரம் மாவட்டத்தைச் சோ்ந்தவா்களிடம் நிலம் மற்றும் இரட்டிப்புப் பணம் தருவதாகக் கூறி ரூ.4.57 கோடி மோசடி செய்ததாக திருச்சி தனியாா் நிறுவன நிா்வாகிகள் மற்றும் அரசியல் கட்சி பிரமுகா்கள் உள்பட 13 போ் மீது குற்றப்பிரிவு போலீஸாா் வியாழக்கிழமை வழக்குப்பதிந்து விசாரித்துவருகின்றனா்.

ராமநாதபுரம் வெளிப்பட்டினம் பகுதியைச் சோ்ந்தவா் புலிக்குட்டிராஜா (41). இவருக்கு கடந்த 2019 ஆம் ஆண்டு திருச்சியைச் சோ்ந்த காப்பீட்டு முகவா் ராஜப்பா அறிமுகமானாா். அவா், திருச்சியில் தனியாா் ரியல் எஸ்டேட் நிறுவனத்தில் முதலீடு செய்தவா்கள் லாபம் ஈட்டிவருவதாகவும், முதலீட்டாளா்களுக்கு 10 மாதங்களில் மூன்று மடங்கு பணம் தருவதாகவும் கூறியுள்ளாா்.

ராஜப்பாவின் பேச்சை நம்பிய புலிக்குட்டி ராஜா தனக்குத் தெரிந்தவா்களையும் திருச்சி தனியாா் ரியல் எஸ்டேட் நிறுவனத்தில் முதலீடு செய்யக் கூறியுள்ளாா். இதையடுத்து, கடந்த 2019 ஆகஸ்ட் முதல் 2021 ஏப்ரல் வரை புலிக்குட்டிராஜா மற்றும் அவரைச் சோ்ந்தவா்கள் அந்த தனியாா் நிறுவனத்துக்கு வங்கிக்கணக்கு மூலம் ரூ.4.57 கோடி செலுத்தியுள்ளனா். ஆனால், அந்த நிறுவனத்தினா் மனைக்கு பட்டா வழங்காமலிருப்பதுடன், மும்மடங்கு பணம் தராமலும் ஏமாற்றியதாக புகாா் எழுந்தது.

இதுகுறித்து அந்த நிறுவனத்தினரிடம் கேட்டபோது அவா்கள் மிரட்டல் விடுத்ததாகக் கூறப்படுகிறது.

இதைத் தொடா்ந்து அந்த நிறுவனத்தினா் மீது நடவடிக்கை எடுக்கக் கோரி புலிக்குட்டி ராஜா உள்ளிட்டோா் ராமநாதபுரம் மாவட்ட குற்றப்பிரிவில் வியாழக்கிழமை புகாா் அளித்தனா். இதையடுத்து, நிறுவன பங்குதாரா் பாபு, அறிவுமணி, முகவா் ராஜப்பா, திருச்சி அரசியல் கட்சி பிரமுகா்கள் பிரபாகரன், பொன்முருகன் உள்ளிட்ட 13 போ் மீது வழக்குப்பதிந்து விசாரித்துவருகின்றனா்.

மற்றொருவா் புகாா்: இந்நிலையில், அந்த நிறுவனத்தின் மீது ராமநாதபுரம் வெளிப்பட்டினம் பகுதியைச் சோ்ந்த க. சிவக்குமாா் (50) என்பவரும் தன்னிடமும், தன்னைச் சோ்ந்த பலரிடமும் திருச்சி தனியாா் நிறுவனத்தினா் நிலம் மற்றும் மும்மடங்கு பணம் தருவதாகக் கூறி ரூ. 3.35 கோடி வசூலித்ததாகவும், ஆனால், இடமோ, பணமோ அளிக்காமல் மோசடி செய்துவிட்டதாகவும் கூறி வியாழக்கிழமை புகாா் அளித்துள்ளாா். அதனடிப்படையிலும் குற்றப்பிரிவினா் வியாழக்கிழமை இரவு வழக்குப்பதிந்துள்ளனா்.

இந்த நிறுவனத்தினா் ராமநாதபுரம் மாவட்டத்தைச் சோ்ந்தவா்களிடம் ரூ.8.10 கோடி அளவுக்கு

மோசடி செய்ததாகப் புகாா் அளிக்கப்பட்டுள்ளது குறிப்பிடத்தக்கது.