ராமநாதபுரத்தில் 2 கடைகளில் பணம், பொருள்கள் திருட்டு

ராமநாதபுரத்தில் காவல் நிலையங்கள் அருகே 2 கடைகளில் ரூ.85 மற்றும் பொருள்களை மா்ம நபா்கள் திருடிச் சென்றது தொடா்பாக போலீஸாா் வெள்ளிக்கிழமை வழக்குப் பதிவு செய்தனா்.

ராமநாதபுரம் அரசு மருத்துவம கல்லூரி மருத்துவமனை சாலையில் காவல் துணைக் கண்காணிப்பாளா் அலுவலகம் எதிரே ராஜஸ்தான் மாநிலத்தைச் சோ்ந்த ரத்னாராம் (32) அழகு சாதனப் பொருள்கள் மொத்த விற்பனைக் கடை நடத்தி வருகிறாா். வியாழக்கிழமை இரவு வழக்கம்போல கடையை பூட்டிவிட்டு சென்றவா் வெள்ளிக்கிழமை வந்து பாா்த்தபோது கடையின் பூட்டு உடைக்கப்பட்டிருந்தது. அங்கிருந்த ரூ.80 திருடப்பட்டது தெரியவந்தது.

இதேபோல பஜாா் காவல் நிலையம் அருகே உள்ள காா்த்திக் (22) என்பவரது மளிகைக் கடையிலும் உணவுப் பொருள்கள், சமையலுக்கு பயன்படுத்தும் எண்ணெய் மற்றும் ரூ.5 ஆயிரம் திருடப்பட்டது தெரியவந்தது. 2 சம்பவங்கள் குறித்தும் பஜாா் போலீஸாா் வழக்குப் பதிவு செய்து விசாரித்து வருகின்றனா்.