கமுதி, ஜூலை 19: ராமநாதபுரம் மாவட்டம், கமுதியை அடுத்த சோ்ந்தக்கோட்டை கிராம சாலையை சீரமைக்க வேண்டும் என பொதுமக்கள் வலியுறுத்தினா்.

இந்தக் கிராமத்தில் சுமாா் 300- க்கும் மேற்பட்ட குடும்பங்கள் வசித்து வருகின்றன. இங்கிருந்து பேரையூா், கமுதி, முதுகுளத்தூா் உள்ளிட்ட பகுதிகளில் உள்ள பள்ளி, கல்லூரிகளுக்குச் செல்லும் மாணவ, மாணவிகள், பொதுமக்கள் சேதமடைந்த சாலையில் சாமிபட்டி விலக்கு வரை ஒரு கி.மீ. தொலைவுக்கு நடந்து சென்று பேருந்தில் ஏறிச் செல்ல வேண்டிய நிலை உள்ளது. மேலும் இந்தச் சாலையில் நடந்து செல்வோா் சில நேரங்களில் கால்களில் காயமடைகின்றனா். இதனால் குறிப்பிட்ட நேரத்துக்கு பள்ளி, கல்லூரிகளுக்கு செல்ல முடியவில்லை. மேலும், சாலையோர கால்வாய்கள் சேதமடைந்தும், பக்கவாட்டுச் சுவா்கள் இடிந்து விழும் அபாயத்தில் உள்ளதாலும், வாகன ஓட்டிகள் அச்சமடைந்துள்ளனா். கடந்த 2020- ஆம் ஆண்டு போடப்பட்ட இந்த சாலை தரமின்றி அமைக்கப்பட்டதால் 4 ஆண்டுகளிலேயே சேதமடைந்துள்ளதாகவும், தற்போது பயன்பாட்டுக்கு உகந்ததாக இல்லை எனவும் பொதுமக்கள் குற்றஞ்சாட்டுகின்றனா். எனவே, மாவட்ட நிா்வாகம் தலையிட்டு சேதமடைந்த சோ்ந்தக்கோட்டை சாலையை தரமான முறையில் சீரமைக்க நடவடிக்கை எடுக்க வேண்டும் என இந்தப் பகுதி மக்கள் கோரிக்கை விடுத்துள்ளனா்.