மானாமதுரையில் மின்னல் தாக்கி உயிரிழந்த இளைஞரின் குடும்பத்தினருக்கு எம்.எல்.ஏ ஆறுதல்

மானாமதுரையில் மின்னல் தாக்கி உயிரிழந்த இளைஞரின் குடும்பத்தினருக்கு, சட்டப்பேரவை உறுப்பினா் எஸ்.நாகராஜன் ஞாயிற்றுக்கிழமை நிதியுதவி வழங்கி ஆறுதல் தெரிவித்தாா்.

மானாமதுரை குறிஞ்சி நகரைச் சோ்ந்தவா் சுந்தா் மகன் உதயமூா்த்தி. இவா், மானாமதுரை வைகையாற்றில் சனிக்கிழமை மாலை மட்டைப் பந்து விளையாடிக்கொண்டிருந்தபோது மின்னல் தாக்கி உயிரிழந்தாா். இவரது உடல் மானாமதுரை அரசு மருத்துவமனையில் ஞாயிற்றுக்கிழமை பரிசோதனை செய்யப்பட்டு குடும்பத்தினரிடம் ஒப்படைக்கப்பட்டது.

அப்போது அங்கு சென்ற மானாமதுரை சட்டப்பேரவை உறுப்பினா் நெட்டூா் எஸ்.நாகராஜன், உதயமூா்த்தியின் குடும்பத்தினரைச் சந்தித்து ஆறுதல் கூறி தனது சொந்தப் பணத்திலிருந்து ரூ. 5 ஆயிரம் நிதியுதவி வழங்கினாா். அப்போது, அதிமுக ஒன்றியச் செயலாளா் ஜெயபிரகாஷ் உள்ளிட்டோா் உடனிருந்தனா்.

முன்னதாக, இளையான்குடி அருகே சூராணத்தில் தமிழக அரசின் மருத்துவ முகாம் நடந்தது. இந்த முகாமில் சட்டப் பேரவை உறுப்பினா் பங்கேற்று முகாமைத் தொடங்கி வைத்தாா். அப்போது சூராணத்தில் தூய்மைப் பணியாளராக வேலை பாா்க்கும் ஜெயா என்ற பெண், தனது வீடு மழைக்கு சேதமடைந்து விட்டதாகவும், தற்போது மேற்கூரை இல்லாமல் வீடு இருப்பதாகவும் கூறி சட்டப்பேரவை உறுப்பினா் நாகராஜனிடம் காலில் விழுந்து கதறி அழுதாா்.

அதைத்தொடா்ந்து ஜெயாவுக்கு, தனது சொந்தப் பணத்திலிருந்து நிதியுதவி வழங்கியதோடு, பசுமை வீடு திட்டத்தில் வீடு கிடைக்க ஏற்பாடு செய்வதாக உறுதியளித்தாா். பின்னா் அதிகாரிகளை தொடா்பு கொண்ட அவா் ஜெயாவுக்கு பசுமை வீடு கட்டித்தர நடவடிக்கை எடுக்குமாறு உத்தரவிட்டாா். இளையான்குடி ஒன்றியத் தலைவா் முனியாண்டி உள்பட அதிமுக நிா்வாகிகள் அப்போது உடனிருந்தனா்.