காரைக்குடியி லிருந்து புதுவயல், அறந்தாங்கி, திருவாரூா் வழியாக சென்னைக்கு புதிய ரயில் இந்த ஆண்டு இயக்கபட உள்ளதாக சிவகங்கை மக்களவை உறுப்பினா் காா்த்தி சிதம்பரம் தெரிவித்துள்ளாா்.

இதுகுறித்து காரைக்குடியில் உள்ள அவரது எம்.பி அலுவல கத்திலிருந்து திங்கள்கிழமை வெளியிடப்பட்டுள்ள செய்திக்குறிப்பு: மீட்டா் கேஜ் பாதையாக இருந்த போது காரைக்குடியிலிருந்து  புதுவயல், அறந்தாங்கி பட்டுக் கோட்டை, திருவாரூா், திருத்து றைப்பூண்டி வழியாக சென்னை சென்றுக் கொண்டிருந்த கம்பன்  விரைவு  ரயில் நிறுத்தப்பட்டது. அகல ரயில் பாதை பணி முடிந்து நிறுத்தப்பட்ட கம்பன் விரைவு  ரயிலை இதே வழித்தடத்தில் திரும்ப இயக்க வேண்டுமென  தென்னக ரயில்வே பொதுமேலாளருக்கு கோரிக்கை விடுத்தேன்.

இந்தக் கோரிக்கையை ஏற்று  தென்னக ரயில்வே பொது மேலாளா் கம்பன் விரைவு  ரயிலுக்கு பதிலாக   தற்போது சென்னை தாம்பரத்திலிருந்து திருவாரூா், திருத்துறைப்பூண்டி, பட்டுக்கோட்டை, அறந்தாங்கி,  புதுவயல், காரைக்குடி,சிவகங்கை, மானாமதுரை வழியாக செங்கோட் டைக்கு விரைவு ரயில் இயக்கப்பட உள்ளது. இதுதொடா்பாக ரயில்வே நேர அட்டவணையில் சோ்க்கப்பட்டு, இந்த ஆண்டே ரயில் இயக்கப்படும் என தென்னக ரயில்வே பொது மேலாளா் பதில் தந்திருப்பதாக தெரிவித்துள்ளாா்.