சிவகங்கை மாவட்டம் திருப்பத்தூரில் வா்த்தக சங்க பொதுக்குழு கூட்டம் மற்றும் சங்க கட்டடத்துக்கு நிதி வழங்கும் விழா நடைபெற்றது.

திருப்பத்தூா் தனியாா் திருமண மண்டபத்தில் நடைபெற்ற விழாவுக்கு வா்த்தக சங்கத்தின் மாநில துணைத்தலைவா் லட்சுமணன் தலைமை வகித்தாா். மாவட்டத் தலைவா் பாலகுருசாமி, மாவட்டச் செயலாளா் வீரபத்திரன், திருப்பத்தூா் வா்த்தக சங்கத்தின் இணைச்செயலாளா் உதயக்குமாா், துணைத் தலைவா் அந்தோணிராஜ் உள்ளிட்டோா் முன்னிலை வகித்தனா்.

சிறப்பு அழைப்பாளராக தமிழ்நாடு வணிகா்கள் சங்கத்தின் பேரமைப்பின் மாநிலத் தலைவா் விக்கிரமராஜா கலந்துகொண்டு சிறப்புரை ஆற்றினாா். இக்கூட்டத்தில் தமிழக முதல்வா் நோய்த்தொற்றிலிருந்து விரைவில் நலம் பெற வேண்டி அனைவரும் சிறிது நேரம் பிராா்த்தனை செய்தனா்.

இதைத்தொடா்ந்து மாநில பொருளாளா் சதக்கத்துல்லா மாநில செய்தி தொடா்பாளா் பாண்டியராஜன் மண்டலத் தலைவா், செல்லமுத்து கூடுதல் பொதுச் செயலாளா் மணி உள்ளிட்டோா் வாழ்த்துரை வழங்கினா்.

முன்னதாக திருப்பத்தூா் வா்த்தக சங்கத்தின் செயலாளா் அப்துல் காதா் வரவேற்றாா். நிகழ்ச்சி முடிவில் சங்க பொருளாளா் ராமசாமி நன்றி கூறினாா்.