எல்லை பிடாரியம்மன் கோயில் சித்திரை திருவிழா நிறைவு

 சிவகங்கை மாவட்டம், மானாமதுரையில் அமைந்துள்ள ஸ்ரீஎல்லை பிடாரியம்மன் கோயில் சித்திரைத் திருவிழா மாவிளக்கு பூஜை வழிபாட்டுடன் புதன்கிழமை நிறைவடைந்தது.

இந்தக் கோயிலில் சித்திரைத் திருவிழா கடந்த 11-ஆம் தேதி கொடியேற்றத்துடன் தொடங்கியது. விழாவையொட்டி, நாள்தோறும் அம்மனுக்கு சிறப்பு பூஜைகள், தீபாராதனைகள் நடைபெற்றன. புதன்கிழமை ஏராளமான பெண்கள் மாவிளக்கு பூஜை நடத்தி பிடாரியம்மனை தரிசனம் செய்தனா். இதையடுத்து, கோயிலில் விழாவுக்காக ஏற்றப்பட்டிருந்த கொடி இறக்கப்பட்டு திருவிழா நிறைவடைந்தது.