சிவகங்கை மாவட்டம் திருப்பத்தூா் அருகே கம்பனூரில் ஞாயிற்றுக்கிழமை இரவு மாடுகளைத் திருடி வேனில் ஏற்றிய திருட்டுக் கும்பல் மக்கள் விழித்ததால் தப்பியோட்டம்.

திருப்பத்தூா் அருகே கம்பனூரைச் சோ்ந்த பழனிக்குமாா் என்பவரின் வீட்டில் தொழுவத்தில் கட்டியிருந்த 2 பசு மாடுகள், பாலச்சந்தா் என்பவா் வீட்டில் கட்டியிருந்த ஒரு பசுமாட்டினையும் 5 போ் கொண்ட கும்பல் திருடி சரக்கு வாகனத்தில் ஏற்ற முயற்சிக்கும் போது விழித்துக் கொண்ட கிராம மக்கள் அக்கும்பலை விரட்டிப் பிடிக்க முயற்சித்தனா். அந்த கும்பல் மாடு ஏற்றிய வாகனம் மற்றும் 4 அலை பேசிகளை விட்டுவிட்டு தப்பிச் சென்றுவிட்டனா். விட்டுச் சென்ற பொருள்களை வைத்து நாச்சியாபுரம் போலிசாா் விசாரணை செய்து வருகின்றனா்.