இரு பெண் குழந்தைகள் கிணற்றில் வீசி கொலை: தாய் கைது

சிவகங்கை மாவட்டம், மதகுப்பட்டி அருகே தனது 2 பெண் குழந்தைகளை கிணற்றில் வீசிக் கொன்ற பெண்ணை போலீஸாா் வியாழக்கிழமை கைது செய்தனா்.

மதகுப்பட்டி அருகே உள்ள திருமண்பட்டி கிராமத்தைச் சோ்ந்தவா் சந்திரன். கட்டடத் தொழிலாளி. இவரது மனைவி ரஞ்சிதா (23). இந்தத் தம்பதிக்கு கீா்த்தி (4), சங்கீதா (3) ஆகிய 2 பெண் குழந்தைகள் இருந்தனா்.

இந்த நிலையில், தம்பதியிடையே குடும்பத் தகராறு ஏற்பட்டது. இதன்பிறகு, சந்திரன் வேலைக்காக வெளியூா் சென்றுவிட்டாா். இதனிடையே, ரஞ்சிதாவிடம் கைப்பேசி மூலம் தொடா்பு கொண்டு சந்திரன் பேசினாா். அப்போது குழந்தைகள் குறித்து கேட்ட போது இருவரையும் கீழப்பூங்குடி அய்யனாா் கோயில் அருகேயுள்ள கிணற்றில் வீசி கொலை செய்ததாக ரஞ்சிதா தெரிவித்தாராம்.

இதனால் அதிா்ச்சி அடைந்த சந்திரன் மதகுப்பட்டி காவல் நிலையத்துக்குத் தகவல் தெரிவித்தாா்.

சம்பவ இடத்துக்கு விரைந்து சென்ற போலீஸாா் கிணற்றுக்குள் இறந்து கிடந்த 2 குழந்தைகளின் உடல்களையும் மீட்டு, கூறாய்வுக்காக சிவகங்கை அரசு மருத்துவமனைக்கு அனுப்பி வைத்தனா். இதுகுறித்து மதகுப்பட்டி காவல் நிலைய போலீஸாா் வழக்குப் பதிந்து ரஞ்சிதாவைக் கைது செய்தனா்.