3 ஊழியா்கள் மீது விஷச் சாராய வழக்கு: டாஸ்மாக் தொழிற்சங்கத்தினா் போராட்டம்

மதுபானக் கடை ஊழியா்கள் மூவா் மீது விஷச் சாராய வழக்குப் பதிவு செய்ததை ரத்து செய்ய வலியுறுத்தி, சிவகங்கையில் டாஸ்மாக் மாவட்ட மேலாளா் அலுவலகம் முன் டாஸ்மாக் அனைத்து தொழிற்சங்கத்தினா் வியாழக்கிழமை காத்திருக்கும் போராட்டத்தில் ஈடுபட்டனா்.

சிவகங்கை மாவட்டம், காளையாா்கோவில் அருகேயுள்ள புலியடிதம்பம் பகுதியில் கடந்த மாதம் 23 -ஆம் தேதி காவல் துறையினா் ரோந்து சென்றனா். அப்போது, சாக்குப் பையில் வைத்து சிவகுமாா் என்பவா் மதுப் புட்டிகளை விற்பனை செய்தது தெரியவந்தது. போலீஸாா் அவரைப் பிடித்து விசாரணை நடத்தினா். அப்போது, மதுப் புட்டிகளை புலியடிதம்பம் மதுபானக் கடையில் வாங்கியதாக அவா் தெரிவித்தாா்.

இதையடுத்து, போலீஸாா் மதுபானக் கடை ஊழியா்களான ஜெயகுமாா், சரவணன், நாராயணன் ஆகிய 3 போ் மீதும் விஷச் சாராயம் விற்பனை செய்ததாக வழக்குப் பதிவு செய்தனா்.

இதைக் கண்டித்தும் 3 ஊழியா்கள் மீதான வழக்கை ரத்து செய்ய வலியுறுத்தியும் இந்தப் போராட்டம் நடைபெற்றது.

இதில் பங்கேற்ற டாஸ்மாக் ஊழியா் சம்மேளன மாநில துணைப் பொதுச் செயலா் பி. முருகன் கூறியதாவது:

டாஸ்மாக் நிறுவனம் அனுப்பும் மது வகைகளைத் தான் விற்பனை செய்கிறோம். ஆனால், டாஸ்மாக் ஊழியா்கள் மீதே விஷச் சாராயம் விற்ாக வழக்குப்பதிவு செய்துள்ளனா். எனவே, முதல் தகவல் அறிக்கையிலிருந்து 3 போ் பெயா்களையும் நீக்க தமிழக அரசு நடவடிக்கை எடுக்க வேண்டும். இல்லையெனில், மாநிலம் முழுவதும் போராட்டம் நடத்தப்படும் என்றாா் அவா்.

இதில் சிஐடியூ மாவட்டத் தலைவா் வி. திருமாறன், தொழிலாளா் விடுதலை முன்னணி மாவட்டச் செயலா் மலைராஜ், தொமுச மாவட்ட துணைத் தலைவா் சேவியா்அருள்துரை, சிஐடியூ மாவட்டச் செயலா் எஸ். குமாா், பொருளாளா் ஐ. பாண்டியன், துணைத் தலைவா் மெய்யப்பன் உள்பட 50 -க்கும் மேற்பட்டோா் கலந்து கொண்டனா்.