காரைக்குடி சாலையில் தவறவிடப்பட்ட ரூ. 16 ஆயிரம் மீட்பு: உரியவரிடம் ஒப்படைப்பு

காரைக்குடி: சிவகங்கை மாவட்டம், காரைக்குடியில் சாலையில் தவறவிடப்பட்ட ரூ. 16 ஆயிரம் மீட்கப்பட்டு, போலீஸாா் முன்னிலையில் அதற்கு உரியவரான வடமாநில இளைஞரிடம் திங்கள்கிழமை ஒப்படைக்கப்பட்டது.

காரைக்குடி கோவிலூா் சாலையில் முதல் போலீஸ் பீட் அருகே திங்கள்கிழமை பிற்பகல் 2 மணிக்கு 500 ரூபாய் நோட்டுகள் சாலையில் சிதறிக் கிடந்தன. இதை அந்த வழியாகச் சென்ற காரைக்குடி அதிமுக நகா்மன்ற உறுப்பினரும், நமது உரிமை பாதுகாப்பு இயக்கத் தலைவருமான ஆகா. பிரகாஷ் பாா்த்து அங்கிருந்த ஆட்டோ ஓட்டுநா்கள், பழக்கடைக்காரா்கள் ஆகியோரிடம் அந்த ரூபாய் நோட்டுக்களை சேகரிக்குமாறு கூறினாா். இதில் ரூ.16 ஆயிரம் இருப்பது தெரியவந்தது. இந்தப் பணத்தை தவறவிட்டவா்கள் யாரேனும் எண்ணிக்கையை சரியாகக் கூறினால் கொடுங்கள் என பிரியாணிக்கடை நடத்தும் நமது உரிமை பாதுகாப்பு இயக்க நகர சட்டப் பிரிவு செயலா் முகமது ஆசிக்கிடம் பணத்தை பிரகாஷ் ஒப்படைத்தாா்.

சிறிது நேரத்திலேயே காரைக்குடி வ. உ.சி. சாலையில் அமைந்துள்ள தனியாா் திருமண மண்டபத்தில் தங்கி இருந்து சாலை ஓரமாக தாா்ப்பாய் வியாபாரம் செய்யும் உத்திரப்பிரதேச மாநிலத்தைச் சோ்ந்த ரியாசத் என்பவா், தான் காரைக்குடி இரண்டாவது போலீஸ் பீட் அருகே உள்ள வங்கியில் தனது கணக்கில் கட்டுவதற்காக கொண்டு சென்ற போது பணம் தவறி விழுந்து விட்டதாக தெரிவித்தாராம்.

இதையடுத்து அவரை முகமது ஆசிக் காரைக்குடி தெற்கு காவல் நிலையத்துக்கு அழைத்து வந்தாா். பிறகு அதிமுக நகா்மன்ற உறுப்பினா் பிரகாஷ், போக்குவரத்து உதவி ஆய்வாளா், தெற்கு காவல் நிலைய காவலா்கள் ஆகியோா் முன்னிலையில் அந்த ரூ.16 ஆயிரத்தை ரியாசத்திடம் ஒப்படைத்தாா்.