சிவகங்கை மாவட்டம், தேவகோட்டை அருகே மேய்ச்சல் தொழிலில் கொத்தடிமைகளாக ஈடுபடுத்தப்பட்ட குடும்பத்தினரை அதிகாரிகள் வெள்ளிக்கிழமை மீட்டனா்.

தேவகோட்டை வட்டம், வெளிமுத்தி கிராமத்தில் கொத்தடிமை முறையில் ஒரு குடும்பம் வேலைக்கு வைக்கப்பட்டிருப்பதாகக் கிடைத்தத் தகவலின் அடிப்படையில், அதிகாரிகள் அங்கு திடீா் சோதனை செய்தனா்.

இதி, தஞ்சாவூா் மாவட்டம், பேராவூரணி வட்டம், பெருமகளூா் கிராமத்தைச் சோ்ந்த வரதராஜன் (21), இவரது மனைவி சரண்யா (19), குழந்தை ஆகிய மூவரையும் வெளிமுத்தி கிராமத்தைச் சோ்ந்த பாரதிராஜா, கொத்தடிமை முறையில் ஆடு, மாடுகளை மேய்க்கும் பணியில் வைத்திருந்தது தெரியவந்தது.

இதையடுத்து, தேவகோட்டை சாா் ஆட்சியா் ஆயுஷ் வெங்கட் வத்ஸ், வட்டாட்சியா் சேதுநம்பு, கிராம நிா்வாக அலுவலா்கள் மஞ்சுளா, லலிதா, தொழிலாளா் துறை உதவி ஆய்வாளா் ஆறுமுகம், ஐ.ஆா்.சி.டி.எஸ். தொண்டு நிறுவன ஒருங்கிணைப்பாளா் ஜீவானந்தம், இலவச சட்ட உதவி மைய நிா்வாகி முத்து ஆகியோா் அடங்கிய குழு மூவரையும் மீட்டது.

மீட்கப்பட்ட குடும்பத்துக்கு விடுதலைச் சான்றிதழை தேவகோட்டை சாா் ஆட்சியா் வழங்கினாா். இதைத் தொடா்ந்து, பாரதிராஜா மீது தேவகோட்டை தாலுகா காவல் நிலைய ஆய்வாளா் ரவீந்திரன் வழக்குப் பதிவு செய்து விசாரித்து வருகிறாா்.

மீட்கப்பட்ட குடும்பத்துக்கு அரசு விதிமுறைகளின்கீழ் மறுவாழ்வு உதவி, பாதுகாப்பு, தொழில் பயிற்சி, நிதியுதவி வழங்குவதற்கான நடவடிக்கைகள் எடுக்கப்படும் என அதிகாரிகள் தெரிவித்தனா்.