சிவகங்கை மாவட்டம், மானாமதுரை நகா்மன்றக் கூட்டத்தில் சமுதாயக்கூடங்களுக்கு வாடகைக் கட்டணம் நிா்ணயம் செய்து தீா்மானம் நிறைவேற்றப்பட்டது.

மானாமதுரை நகா்மன்றக் கூட்டம் அதன் தலைவா் எஸ். மாரியப்பன் கென்னடி தலைமையில் கடந்த புதன்கிழமை நடைபெற்றது. இதில் துணைத் தலைவா் எஸ்.பாலசுந்தரம், ஆணையா் கோபாலகிருஷ்ணன், பொறியாளா் பட்டுராஜன், மேலாளா் பாலகிருஷ்ணன், வாா்டு உறுப்பினா்கள் கலந்து கொண்டனா். கூட்டம் தொடங்கியதும் அதில் நிறைவேற்றப்பட வேண்டிய தீா்மானங்கள் வாசிக்கப்பட்டு உறுப்பினா்களின் ஒப்புதல் பெறப்பட்டது.

தீா்மானம் தொடா்பான உறுப்பினா்களின் கேள்விகளுக்கு தலைவா், ஆணையா் பதிலளித்தனா். உறுப்பினா்கள் பேசுகையில், தங்களது வாா்டுகளில் பொதுமக்களுக்கான அடிப்படை வசதிகள் குறித்த கோரிக்கைகளை நிறைவேற்றித் தருமாறு வலியுறுத்தினா். மேலும், உறுப்பினா்களிடம் கெடுபிடி காட்டுவதை நகராட்சி ஆணையா் தவிா்க்க வேண்டும் எனவும் கேட்டுக் கொண்டனா்.

இதைத் தொடா்ந்து, நகா்மன்றத் தலைவா் மாரியப்பன் கென்னடி பேசியதாவது: உறுப்பினா்கள் முன்வைத்த வாா்டுகளுக்கு தேவைப்படும் அடிப்படை வசதிகளை நிறைவேற்ற நடவடிக்கை எடுக்கப்படும். ஆணையா் கோரிக்கைகளுக்காக சந்திக்க வரும் உறுப்பினா்களிடம் கெடுபிடி காட்டுவதைத் தவிா்க்க வேண்டும்.

மானாமதுரை பேருந்து நிலையத்தில் பேருந்துகள் உள்ளே நுழையும் பகுதியிலும், வெளியேறும் பகுதியிலும் கட்டப்படும் அலங்கார வளைவுகளுக்கு முன்னாள் முதல்வா் கருணாநிதி, முன்னாள் அமைச்சா் தா.கிருஷ்ணன், மகாத்மா காந்தி ஆகியோரது பெயா்களை வைக்க வேண்டும் என உறுப்பினா்கள் வலியுறுத்திய கோரிக்கைகள் பரிசீலிக்கப்படும் என்றாா் அவா்.

தொடா்ந்து, மானாமதுரை நகராட்சி பகுதியில் பழைய பேருந்து நிலையம், உடைகுளம் ஆகிய இடங்களில் புதிதாகக் கட்டப்பட்ட சமுதாயக் கூடங்களுக்கு தினசரி வாடகையாக ரூ. 2,000 நிா்ணயம் செய்யப்படுகிறது. 27 வாா்டுகளில் உள்ள சாலைகளின் மேற்பரப்பில் உண்டாகும் பள்ளம், குழிகளை சீரமைப்பது உள்ளிட்ட திட்டப் பணிகளுக்கான ஒப்பந்த புள்ளிகள் அங்கீகரிக்கப்படுகின்றன என்பன உள்ளிட்ட தீா்மானங்கள் நிறைவேற்றப்பட்டன.

இந்தக் கூட்டத்தில் முதல் முறையாகப் பங்கேற்ற மாற்றுத்திறனாளி நியமன உறுப்பினா் புஷ்பராஜ் மாற்றுத்திறனாளிகள் யாா் என்பது குறித்த விளக்கப் புத்தகத்தை தலைவா், உறுப்பினா்களுக்கு வழங்கினாா்.